INṬANNA 6:16 - Pathien Lekhabu Inthieng (BSI)

¹⁶ Lawnga chun tukver siem i ta, a chung tieng tawng khat chinah i zo ding a nih; chun, lawng kawtkhâr chu a pangah i hawng ding a nih; sâwng hnuoihnung le sâwng hnina le sâwng thumna neiin i siem ding a nih.

INṬANNA 6:16 ပူးပေါင်းရင်းမြစ်များ

INṬANNA 6:15

Hi hi i siem dân ding chu a nih: lawng dung tieng chu tawng za thum ni sienla, a khang tieng chu tawng sâwmnga, ân sâng tieng chu tawng sâwmthum ni raw se.

INṬANNA 6:17

Chun, ngai ta, keima ngeiin, tisa po po hringna thuoka inthuok taphawt chu vân hnuoia inthawka sukbohmang dingin hnuoia hin tui ka suklêt ding a nih; hnuoia thil tinrêng um hi thi vawng an tih.

INṬANNA 7:16

Chun, a lûthai chu Pathienin a kuoma thu a pêk angin, tisa nei laia mi tinrêng chu a pui le a chal a tuok peiin an lût a; chun, Lalpain ama chu a khâr khum ta a.

INṬANNA 8:6

Chun, ni sâwmli hnunga chun Noa chun lawng tukver a siem kha a hawng ta a:

2 SAMUEL 6:16

Chun, Lalpa bâwm chu David khuoa a lût lai chun Saula naunu Mikal chun tukvera inthawk hin a lo thlîr a; Lalpa hmaa David lâm le inchâwm chu a zuk hmu a, a hmusit lungril ta a.

2 LALHAI 9:30

Chun, Jehu chu Jezreel khuo a va lût chun Jezebel chun a lo hriet a; chuongchun, a mithai a lo nâl a, a sam dâm a lo chei a, tukvera hin a lo dâk a.

EZEKIEL 41:16

a tukver inkhâr zinghai, a sâwng thuma a dawdanhai a vêlin a um a; a inpui kawt lûtnaa inthawk, a vêla thingphêka remin ṭuonga inthawka tukver chen rem a nih;

EZEKIEL 42:3

Huon sûng tuollai sûngril lema ṭhang tawng sâwmhni zâwna le, huon sûng tuollai puo lem epa lungpha zâwna chun dawdan inep ṭhieuin sâwng thumin a um a.

LUKA 13:25

In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.