INṬANNA 50:24 - Pathien Lekhabu Inthieng (BSI)

²⁴ Chun, Josefin a unauhai kuomah, “Ka thi ding a ni ta a, nisienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a ti a.

INṬANNA 50:24 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

INṬANNA 13:17

Tho la, ram hi a dung a khangin fang suok rawh; i kuomah ka pêk ding che a nih,” a ti a.

INṬANNA 15:18

Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

INṬANNA 15:7

Chun, a kuomah, “Hi ram hi hluo dinga pe ding che a, Kaldaihai khuo Ura inthawka ṭhuoi suoktu che Lalpa kha ka nih,” a ta.

INṬANNA 15:8

Ama chun, “Aw Lalpa PATHIEN, hluong ka tih ti iengtin am hrieng ka ta?” a ti a.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INṬANNA 21:1

Lalpa chun a hril ta angin Sara chu a zu kan a, Lalpa chun a tiem ta angin Sara chungah a thawpêk bawk a.

INṬANNA 26:3

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

INṬANNA 28:13

A tâwpa chun Lalpa a ngîr a, “Kei hi Lalpa i pu Abraham Pathien le Isak Pathien chu ka nih, i zâlna hnuoi kha i kuoma le i thlahai kuomah la pêng ka ti cheu;

INṬANNA 3:19

hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni si a, pilvut i ni a, pilvutah i kîr nâwk ding a nih,” a ti a.

INṬANNA 35:12

Abraham le Isak kuoma ram ka pêkhai hi i kuomah pêng ka ti che, i um naw hnunga i thlahai kuoma khawm ram hi pe pei ka tih,” a ti a.

INṬANNA 46:4

Aiguptaa chun nang leh fe vêng ka ta; chun, zu ṭhuoi kai nâwk ngei ngei ka ti che: chun, Josef chun i thi pha i mit a siempêk ding che a nih,” a ti a.

INṬANNA 47:29

Chun, Israel thi hun ding chu a hung hnai ta a; chuongchun, a naupa Josef chu a ko a, a kuomah, “I mi lunginsiet thei chun, lunginsiettakin i kut kha ka êlpui hnuoiah rawl la, ka chungah thuzâwmtak le indiktaka thaw dingin intiem rawh. Aiguptaa hin mi phûm lul naw rawh.

INṬANNA 48:21

Chun, Israel bawk chun Josef kuomah, “Ngai ta, ka thi ding a ni ta a: nisienlakhawm, Pathien chu in kuomah um a ta, in thlatuhai rama chun ṭhuoi nâwk a ti cheu.

INṬANNA 50:5

‘Ka pain, ngai ta, ka thi ding a ni ta a, Kanaan rama ka thlân ka chosaah, chutaka ngei chun mi hung phûm rawh,’ tiin a mîn khâmtir a. Chuleiin, tuhin lunginsiettakin, ka pa hi mi hang inphûmtir la, chu zo chun hung nâwk el ka tih,'tia mi lo hrilpêk dingin ka ngên cheu a nih,” a ti a.

JOB LEKHABU (THE BOOK OF JOB) 30:23

Nang chun thina le, Mi hring po po ta dinga in ruota chun mi ṭhuoi i tih ti ka hriet si a.

FESUOKNA 12:41

Kum za li le sawmthum tâwpah, chu ni la la chun Lalpa mipuihai chu Aigupta rama inthawkin an fe suok ta a.

FESUOKNA 12:51

Chu ni ngei chun Lalpa chun Israel mihai chu an pâwl ruol ang peiin Aigupta rama inthawk a ṭhuoi suok ta a.

FESUOKNA 13:19

Mosie chun Josef ruhai chu a chawi pei a, Israel mihai chu, “Pathienin hung kan ngei ngei a ti cheu a, chun in fena taphawtah ka ru khawm sawm pei in tih,” tiin a lo tiem ta hrim a.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

FESUOKNA 33:1

Lalpa chun Mosie kuomah, “Suok unla, hitaka inthawkin nang le Aigupta rama inthawka mipui i ṭhuoi suokhai chu, Abraham, Isak le Jakob kuoma, ‘I thlahai kuomah pêng ka tih,’ tia ka tiem tah ram tieng chun fe ro.

FESUOKNA 4:31

Mipui chun an ring ta a: Lalpa chun Israel mihai chu a hung sir ta a, an rimsik tuorna chu a hmu tah ti an hriet chun, an luhai an kûn a, chibai an bûk ta a.

THUHRILTU 12:5

anni chun ân sâng chu an ṭi a, lampuia chun ṭitna a hung um a, almond thing chu a hung kumûm a, khâuṭhikṭhihai chu buoipuium an hung ni a, nuom zâwng dâm chun a hung hlawsam a, mi chu a chatuon ina chun a fe ta leiin le, lusûnhai chun kawtthlêrhai chu an fang leiin le;

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

NAMBAR 32:11

‘Aigupta rama inthawka hung suok, kum sâwmhni chin chungtieng mi hrim hrim chu Abraham hai, Isak hai, Jakob hai kuoma inkhâma pêk ka tiem ram chu tukhawma hmu naw ni hai; an mi zui tak tak naw leiin;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:12

Chuongchun, mi pakhat leiin suol khawvêla hin a lût a, suol leiin thina a lût bawk a; chuong ang bawkin mi po poin thil an lo suksuol ta leiin thinain mi po po a fang suok ta a.

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma Lalpain a pêk ram chu va hluo ro,’ tiin.

DÂN PAHNINA 6:10

“Chun, Lalpa in Pathienin in pu Abraham hai, Isak hai, Jakob hai kuoma inkhâma a pêk cheu ram, in indin ni dêr lo, khaw ropui le mawitak tak dâm,

HEBRAIHAI 11:22

Ringnain Josef chun, a thi a hung hnai khan, Israel mihai suok ding thu a hril a, a ruong vui dân ding chungchângah thu ân cha bawk a.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;

JOSUA 24:32

Chun, Israelhaiin Aigupta rama inthawka Josef ru an sawm pei kha Sekem khuoa chun Sekem pa, Hamor nauhaia inthawka Jakobin tangka zaa a în châwka khan an phûm a; chuongchun, chuong chu Josef thlahai puolah a hung um ta a.