hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni si a, pilvut i ni a, pilvutah i kîr nâwk ding a nih,” a ti a.
Ei thi ngei ngei ding a na; chun, tuisik hnuoia inbaw tahnung rût nâwk thei ta lo ang hi ei na. Pathienin hringna hi a lâk hmang a ni naw a, a tlân hmang chu amaa inthawka mi hran a ni nawna dingin rem a ruot a ni lem a nih.
Kan dam sûng kumhai chu kum sâwmsari a na, Hrâtna leiin kum sâwmriet khawm a ni thei. Nisienlakhawm, a sâwtna chu sininrimna le lungngaina chau a nih; A bo vak a, keini khawm kan vuong hmang hlak a ni hi.
anni chun ân sâng chu an ṭi a, lampuia chun ṭitna a hung um a, almond thing chu a hung kumûm a, khâuṭhikṭhihai chu buoipuium an hung ni a, nuom zâwng dâm chun a hung hlawsam a, mi chu a chatuon ina chun a fe ta leiin le, lusûnhai chun kawtthlêrhai chu an fang leiin le;
Mi hring chun an la thi ding a nih ti an inhriet si a; mi thi ruok chun iengkhawm an hriet nawh, lâwmna iengkhawm an nei ta naw bawk a, anni chu hriet zing an ni ta bawk nawh.
Ngai ta, thlarau po po chu ka ta an na, pa hringna chu ka ta a ni ang bawkin, naupa hringna khawm chu ka ta a nih; thlarau thil suksuoltu chu thîng a tih.
Lalpa in Pathien hmangaia, a râwl ngaia, ama cheltlatin, ama chu in hringna, in dam sâwtna a ni si a; chuongchun, in pu Abraham hai, Isak hai, Jakob hai inkhâma pêk a tiem rama chun in um ding annawm,” tiin.