INṬANNA 5:24 - Pathien Lekhabu Inthieng (BSI)

²⁴ Chun, Enok chu Pathien leh an lêng hmunkhat hlak a: chun, a um ta naw a: Pathienin a lâk hmang tah a nih.

INṬANNA 5:24 ပူးပေါင်းရင်းမြစ်များ

INṬANNA 24:40

Nisienlakhawm, ama chun ka kuomah, ‘Lalpa a hmaa ka um hlakna chun a vântirko chu i kuomah tir a ta, i fena dinga chun inhlâwtlingtir a ti che; chuongchun, ka naupa ta dingin ka laibunghai le ka pa sûnghai laia mi nuhmeiah i neipêk ding a nih;

INṬANNA 37:30

chun, a sanghai kuom tieng a kîr nâwk a, “Bawipu kha a um ta nawh, kei hi khaw tieng am fe tâng ka ti le aw?” a ta.

INṬANNA 42:36

Chun, an pa Jakob chun an kuomah, “Nangni hin ka nauhai in mîn sûntir a ni hi: Josef a um ta naw a, Simeon a um ta naw a, Benjamin chen khawm ṭhuoi hmang in tum nâwk pei a: chuong thil po po chun a mi baw buoi a ni ta hi,” a ti a.

INṬANNA 5:22

Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;

INṬANNA 5:23

chuongchun, Enok dam sûng po chu kum za thum le sâwmruk le panga a nih;

INṬANNA 5:25

Methusela chun kum za le sâwmriet le pasari a niin naupasal Lamek a nei a;

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

2 LALHAI 2:1

Chun, Lalpa chun Elija chu thlivira vâna a zuk lâk ding lai chun Elija chu Elisa leh Gilgala inthawk chun an fe a.

2 LALHAI 2:10

Ama chun, “Thil intaktak i hni a ni chu, iengkhawm ni sienla, i kuoma inthawka lâk hmanga ka um lai i hmu chun, chuong ang chun i chungah um a tih, i mi hmu naw ruok chun chuong ang chu ni naw nih,” a ta.

2 LALHAI 2:11

Chun, an fe pei a, an la ṭawng zing laiin, ngai ta, mei sakawr tawlailîr le mei sakawrhai a hung inlang a, chu chun anni chu an kâra tlain a ṭhe ta a; chun, Elija chu thlivira chun vânah a lâwn ta a.

2 LALHAI 2:12

Chun, Elisa chun a hmu a, “Pa, Pa! Israel sakawr tawlailîr le sakawr chung chuong mihai !” tiin a khêk a.

INPÂKNA HLABU 49:15

Ka hringna ruok chu Pathienin Seola inthawkin intlan suok a tih, Ama chun a mi lâwm âwm si a.

INPÂKNA HLABU 73:24

Nangin i remruotnain mi ṭhuoi i ta, Chu hnunga chun ropuinaa khin mi lâwm i tih.

JEREMIA 31:15

Lalpa chun hieng hin a tih: Rama khuoah khêkri an hriet a, ṭap dâm, mithi ngaia khêk rawng rawng dâm, Rakil chun a nauhai a ṭa a, an um ta naw leiin thlamuon thei a ni nawh.

MATTHAI 2:18

“Rama khuoah khêkri an hriet a, Ṭap dâm, mithi ngaia khêk rawng rawng dâm; Rakil chun a nauhai a ṭa a, An um ta naw leiin thlamuong thei a ni nawh,” ti hi.

LUKA 23:43

Chun, ama chun a kuomah, “Titakzetin ka hril che hi, vawisûn hin ka kuomah Paradisah um vêng i tih,” a ta.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung: