INṬANNA 5:2 - Pathien Lekhabu Inthieng (BSI)

² anni chu nuhmei le pasalah a siem a nih, siema an um ni khan mal a sâwm a, an hming dingin “Mihriem,” ân bûk a.

INṬANNA 5:2 ပူးပေါင်းရင်းမြစ်များ

INṬANNA 1:27

Chuongchun, Pathienin ama angpuiin mihriem a siem a, Pathien angpui ngeiin a nih a siem chu, pasal le nuhmeiah a siem a nih.

INṬANNA 1:28

Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuipuia nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 2:15

Lalpa Pathien chun mihriem chu a ṭhuoi a, Eden huona chun enkawltu le vêngtu dingin a sie ta a.

INṬANNA 2:23

Chun, mihriem chun, “Hi zet hi chu ka ru ang ru neia, ka tisa ang tisa nei ngei chu a nih; Pasala inthawka lâk suok a ni leiin, ‘Nuhmei’ ti ding nîng a tih,” a ta.

INṬANNA 5:3

Adam chun kum za le sâwmthum a niin, ama angtak, ama angpui ngei naupasal a nei a; a hmingah Seth a sak a;

MALAKI 2:15

Chun, hringna chi chu a nei leiin, ama chun pakhatah a siem a ni naw am a nih? Ieng leia pakhata siem am a na? Pathien chi chu a zawng a nih. Chuleiin, in thlaraua chun fîmkhur unla mi tukhawma a tleirâwl nuhmei chu khawhlotakin thaw naw raw se.

MATTHAI 19:4

Chun, ama chun, “Hi thu hi in tiem ngai naw am a nih? A tîra inthawka anni siemtu khan nuhmei le pasalin a siem le,

MARKA 10:6

Nisienlakhawm, leilung insîeng tîra inthawk chun, ‘Anni chu nuhmei le pasalin a siem a nih,’

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;