INṬANNA 49:26 - Pathien Lekhabu Inthieng (BSI)

²⁶ I pa malsâwmpêkna hi, A mi thlatuhai malsâwmpêkna nêk hmanin, Chatuon tlâng tâwpkhâwk chenin a nasa ta lem a nih: Chuonghai chu Josef lua hin um a ta, A unauhaia inthawka suktuma umpa lusîpa chun um a tih.

INṬANNA 49:26 ပူးပေါင်းရင်းမြစ်များ

INṬANNA 37:28

Chun, Midian mihai sumdâwng an hung a; chuongchun, Josef chu khura inthawk chu an khai suok a, Ismael mihai kuoma chun Josef chu tangka sawmhniin an zawr ta a, anni chun Josef chu Aiguptaah an ṭhuoi ta a.

INṬANNA 37:8

A uhai chun a kuomah, “Nang tehin kan chungah ro i rêl vei ding maw? Nang tehin kan chungah thu i nei vei ding maw?” an ti a. Chuongchun, a mang lei le a thuhril lei chun ama chu an theida nâwk zuol det a.

INṬANNA 49:27

Benjamin hi satene hnukinrawl a nih, Zîngkâr chun a sase chu fâng a ta, Zântieng chun a râllâk chu sem a tih,” tiin.

INPÂKNA HLABU 132:18

Ama dotuhai chu muolphonain inthuom ka ta, Ama chunga ruok chun a lallukhum chu tle sur a tih,” tiin.

INPÂKNA HLABU 89:36

A chithlahai chu kumkhuoin um an ta, A lalṭhungpha chu ka hmaah nisa angin um bawk a tih.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

ISAI 66:5

A thua inthin hlakhai, Lalpa thu hi hre ro, “In unau, nangni theidatu le ka hming leia nangni hnawt suoktuhai cheu chun, ‘In lâwmna kan hmu theina dingin Lalpa chu sukropuiin um raw se,’ an ti a, nisienlakhawm, inzak lem tâng an tih.

JONA 2:6

Tlâng bul tâwp rêthaia chun ka zu fe a, Hnuoi chun kumkhawa dingin a kalnahai chun a mi khâr khum a; Amiruokchu, nangin aw Lalpa ka Pathien, khursûnga inthawk chun ka hringna chu i lâk suok a nih.

HABAKKUK 3:6

A ngîr a, hnuoi chu ân hnîng a; Hnamhai chu a en a, a hnawt dar ta a; Kumkhaw tlânghai khawm chu sukdarin an um a, Chatuon muolhai chu an kûn bawk a; A lampuihai chu chatuona mi an nih.

NAMBAR 6:2

“Israel mipuihai kuomah hril la, an kuomah, ‘Pasal amanih, nuhmei amani khawma ieng amanih thutiem bîk, Lalpa ta dinga inpêkna Nazarit thutiem ân tiem ding lai chun,

THILTHAWHAI 7:9

“Chun, chi thlatuhai khan Josef an îtthik a, Aigupta tieng an zawr a, nisienlakhawm, Pathien a kuomah a um a.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.