24 Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)
Tuhin hitaka fe dinga in mi zawr leiin lungngai naw ro, nangni le nangni intheida bawk naw ro: mihai hringna sanhim dingin Pathienin in hmaah a mi tir hmasa a ni hi.
Chuongchun, hnuoia hin chithlahai hlapêk ding cheu le, sanhimna ropuitaka in ta dinga mi tamtak sanhim ding cheuin, Pathienin in hmaah a mi lo tir hmasa a nih.
Kha hmaa Saula kan chunga ân lal laia Israelhai ṭhuoi suok le ṭhuoi lûttu i ni hlak a; chun, Lalpa chun i kuomah, ‘Ka mi Israelhai chu châwm i ta, Israelhai chungah hotuin um i tih,’ a ti kha,” an ta.
“An sinthaw chu an puitling thei nawna dingin an kuthai chu suksietin um a tih,” tiha mi hrilṭi nuom ruok an nih. Chuongchun, aw Pathien, ka kuthai hi mi hung sukhrâtpêk raw aw.
Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.
Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:
chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.
ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.
Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.
Chun, hnam tin nênetui fâwp i ta, lalhai nêne khawm nêng i tih; kei Lalpa hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.
En ta u, Josua hmaa chun lung pakhat sîr sari nei ka sie a; ngai ta u, chutaka chun thil ziek ker ka ta, sipaihai Lalpa chun a tih, chun, ni khat sûngin chu ram suolna chu sawn hmang ka tih.
Isu chun an kuomah, “Pathien lekhaa, ‘In bâwltuhai lung dit naw kha, Chu ngei chu a kia lung ṭhangkai tak a hung ni tah. Chu chu Lalpa thaw a na, Ei mithmua hin a mak a nih,’ ti hi in tiem ngai naw am a nih?
Nisienlakhawm, ama chun anni chu a en a, “Hi thu an ziek hi ieng am a na? ‘In bâwltuhai lung dit naw kha, Chu ngei chu a kia lung ṭhangkai tak a lo ni tah,’ ti hi.
Mi dang siehlaw sawisêltu chu tu am i ni leh? a ngîr le a tlûk chu ama hotupa ta ding a nih. Nisienlakhawm, ama chu inngirtirin um a tih, Lalpa chun ân ngîrtir thei si a.
Chun, Nun naupa Josua chu varna thlarauin a sip a, Mosie chun a chungah a kut ân nghat leiin; chun, Israel mihai chun a thu an zâwm a, Lalpain Mosie thu a pêk ang chun an thaw a.
Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.
tlâng ram khi in ta ni el raw se, rampui khawm ni sienla, vât in ta, a ram chin po po chu in ta a ni el ding annâwm; Kanaan mihai chun thîr tawlailîrhai neiin, hrât hle hai sien khawm, in la hnawt suok ding annâwm,” tiin a hril a.