INṬANNA 49:10 - Pathien Lekhabu Inthieng (BSI)

¹⁰ Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INṬANNA 49:10 ပူးပေါင်းရင်းမြစ်များ

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

2 SAMUEL 7:16

Chun, i sûngkuo le i ram chu chatuona suknghet tlat nîng a ta, i lalṭhungpha chu chatuona suknghet nîng a tih,’ a tih,” tiin Lalpa thu a hung tlung a.

1 CHANCHIN SUINA 12:24

Juda thlahai, phaw le fei chawia indo dinga inthuom chu sâng ruk le za riet an nih.

1 CHANCHIN SUINA 12:39

Chun, chutaka chun David rawi chun ni thum sûng chu faa dâwnin an um a; an unauhai chun an ta dingin an lo buotsaipêk si a.

INPÂKNA HLABU 108:8

Gilead chu ka ta a na, Manasse ka ta a na; Ephraim khawm chu ka lu humhimna a na; Judai chu ka lalhmawl a nih.

INPÂKNA HLABU 60:7

Gilead chu ka ta a na, Manasse khawm ka ta a nih; Ephraim khawm chu ka lu humhimna a na, Juda chu ka lalhmawl a nih.

INPÂKNA HLABU 60:9

Khawpui dettaka chun tuin am mi ṭhuoi lût a ta? Edom rama chun tuin am mi ṭhuoi a ta?

INPÂKNA HLABU 78:68

Juda hnam chu a thlang ta lem a, A hmangai Zion tlâng chu.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 60:1

Tho la, var rawh, i var chu a hung tlung a; Lalpa ropuina chu i chungah a hung suok ta hi.

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 30:21

Chun, an lal chu anni laia mi ngei nîng a ta, an rorêltu khawm chu anni laia inthawka hung suok ngei nîng a tih; chun, ama chu hung hnai dingin siem ka ta, ka kuom chu hung hnai a tih: Tu am a na, keima mi hung hnai dinga huoina nei chu? Lalpa chun a ti si a.

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni si a”tiin.

EZEKIEL 19:11

A kâu ngartakhai chu rorêltu lalhmawla hmang an hung ni a, A buk samup laia khawm chun an dâwk lûr bik a; Kâu tamtakhai laiah ân sâng leiin an hmu bîk lûr bawk a.

EZEKIEL 19:14

A kâu kuonghaia inthawk mei a suok a, a ra a kâng hmang zo a, Chuleiin, kâu ngartak rorêlnaa lalhmawla hmang thei khawm a um ta nawh. Hi hi sûnna chu a na, sûnna hla chu la hung nîng a tih.

EZEKIEL 21:27

Inletling ka ta, letling ka ta, letling ka ta, hi khawm hi um ta naw ni a, a thuneitu a hung hmakhat chun; chun, ama kuoma chun pêng ka tih.

EZEKIEL 21:32

Nang chu meia thingthu ding chau ni tâng i ta; i thisen chu rama chun um a ta; nang chu hriet zing ni ta bawk naw ti ni, kei Lalpa hin ka hril ta si a,” tiin.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâktaka khawm chun.

HOSEA 11:12

Ephraim chun khêl thuin a mîn huol vêl a, Israel sûnghai chun hlêmnain; Juda ruok chu Pathien ihriet zingin a um a, Mi Inthieng chunga chun ring a um a nih.

MIKA 5:1

Aw sipai ruol naunu, tuhin sipai ruolah inpunkhâwm la, ama chun a mîn huol tah a na, Israelhai rorêltu chu a bekah hmawlin vuong an tih.

HAGGAI 2:7

hnam po pohai chu sukhnîng ka ta; hnam tin thil duthusâmhai chu hung tlung a ta, chun, hi in hi ropuinain suksip ka tih, sipaihai Lalpa chun a tih.

ZEKARIA 10:11

Chun, ama chun sukrinumna tuipui chu fe thleng a ta, tuipui fâwnhai chu vuok hnuoi ning a ta. Nile li inthûkhai po po khawm chu kang intan a tih; chun, Assuria chapona chu sukhnuoi nîng a ta, Aigupta lalhmawl chu fe hmang tâng a tih.

ZEKARIA 2:11

Chun, chu nia chun hnam tamtakhai chu Lalpa tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai Lalpa chun i kuomah a mi hung tir a nih ti hre tâng i tih.

NAMBAR 21:18

An lal hmawl le an hembâwka, Mipuihai mi lienhai icho chu.” Chun, thlalêra inthawk chun Mattanaah an fe a.

NAMBAR 24:17

‘Ama chu ka hmu a, tuta a um ang ni lo hi, Ka thlîr a, hnaitea mi ang ni lovin; Jakoba inthawk chun arasi hung suok a ta, Israela inthawk chun lalhmawl hung suok a ta, Moab ram tluonin sun thleng a ta, Buoina nauhai po po suktlâwm a tih.

NAMBAR 24:19

Jakoba inthawkin tu amanih inlal a ta, Khuoa a la um sunhai chu sukbohmang a tih,’ a tih,” a ta.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

MATTHAI 25:32

a hmaa chun hnam tin inkhâwm an tih; berâm chingtuin kêl laia a berâmhai a ṭhe angin anni rawi chu ṭhêng a ta;

JOHAN 12:32

Chun, kei hnuoia inthawka khaikânga ka um chun, mi po po keia tieng hîp ka tih,” a ta.

JOHAN 18:31

Pilat chun an kuomah, “Nangnîn ṭhuoi unla, in dân angin a thu rêl ro,” a ta. Judahai chun a kuomah, “Keini thu chun tukhawm sukhlum dân a ni nawh,” an ta.

JOHAN 19:12

Chun, chu chena inthawk chu Pilatin inthla a tum a, nisienlakhawm, Judahai an khêk a, “Hi mipa hi în thla chun Kaisar ruolpa ni naw ti ni, tûkhawm lala insiem taphawt chu Kaisar do an nih,” an ta.

JOHAN 19:15

Chun, anni chu an khêk a, “Sukbohmang rawh, sukbohmang rawh, krawsah hemde rawh,” an ta. Pilatin an kuomah, “In lal hi krawsah hemdêng ka ti maw?” a ta. Thiempu Lalhaiin, “Kaisar naw chu lal dang kan nei nawh,” an ta, an dawn a.

JOHAN 9:7

chun, a kuomah, “Siloam dîlah va sâwp rawh,” a ta. (Siloam chu, “Tir,” tina a nih.) Chun, a va fe a, a sâwp a, mit varin a hung ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:12

Chun, Isaiin, “Jessai zung zâm chu um a ta, Jentailhai Lala um dingin, A hung suok ding chu um bawk a ta, Ama chu Jentailhai chun beisei phâng an tih,” a ti nâwk bawk a.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

DÂN PAHNINA 28:57

an pawm lai nautesen le an nau la pieng dinghai khawm chu inhnar an ta, iengkim an tlâksam ta leiin arûkin fâng an tih; an inhuolna cheu le an dang chêpna cheu, in hmêlmahaiin kul kawtkhâra an dang chêpna cheu leiin.

HEBRAIHAI 7:14

Ei Lalpa chu Juda hnam laia inthawka hung suok a ni ti ân lang fel si a, chu hnam thua chun Mosiein thiempuhai kawng thu iengkhawm a hril nawh.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.