INṬANNA 48:4 - Pathien Lekhabu Inthieng (BSI)

⁴ ‘Chi tamtak inthlatir ka ti che a, sukpung bawk ka ti che a, chi tum tum um khâwmah siem ka ti che; chun, hi ram hi i hnunga i thlahai kuoma chun kumkhaw ro dingin pêng ka tih,’ a mi ti a.

INṬANNA 48:4 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

INṬANNA 17:13

I ina pieng le i tangka suma în châwk khawm a ser i tan ngei ding a nih: chuongchun, ka thuthlung chu kumkhaw thuthlung dingin in tisaa chun um tâng a tih.

INṬANNA 17:6

Nasatakin chi inthlatir ka ti che a, nangmaa chun chi ti khawp hiel dâm siem ka ta, nangmaa inthawkin lalhai hung suok bawk an tih.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 32:12

Nangin, ‘Siem ṭha ngei ngei ka ti che a, i thlahai chu tuisuorieta phaiphin tiem sênglo khawp raua tam angin siem ka ti che,’ i ti si a,” a ti a.

INṬANNA 35:11

Pathien bawk chun a kuomah, “Kei Pathien Iengkimthawthei ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

INṬANNA 46:3

Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

INṬANNA 47:27

Chuongchun, Israelhai chun Aigupta rama Gosen rama chun umhmun an khuor ta a; chutaka chun an insukmuk a, chi tamtak an thla a, nasatakin an pung ta a.

INPÂKNA HLABU 127:3

Ngai ta, nau le têhai hi Lalpaa inthawka ei rochan an na, Rîla ra hi a lâwmman mi pêk a nih.

FESUOKNA 1:11

Chuleiin, phurrik takhaia anni sukrinum dingin, an chungah sinthawhotuhai an siempêk ta ngei a. Chun, Pithom le Rameses, siekhâwmna khawpuihai chu, Pharao ta dingin an bâwl ta a.

FESUOKNA 1:7

Nisienlakhawm, Israel mipuihai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um ta a.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

LEVI DÂN 26:9

Ditsak ka ti cheu a, in kuomah ka thuthlung sukdet ka tih.

DÂN PAHNINA 32:8

A Chunghnungtak chun hnamhai ram a pêk laia, Mihriem nauhai a ṭhe lai khan, Hnamhai ramri chu a khang a, Israel mihai zât ang peiin.