INṬANNA 48:21 - Pathien Lekhabu Inthieng (BSI)

²¹ Chun, Israel bawk chun Josef kuomah, “Ngai ta, ka thi ding a ni ta a: nisienlakhawm, Pathien chu in kuomah um a ta, in thlatuhai rama chun ṭhuoi nâwk a ti cheu.

INṬANNA 48:21 ပူးပေါင်းရင်းမြစ်များ

INṬANNA 12:5

Chun, Abramin a nuhmei Sarai le, a unaupa naupasal Lota le an sum themsuok po po le, Harana an mi neihai chu a ṭhuoi a; Kanaan rama fe dingin an suok a. Kanaan ram chu an tlung chun,

INṬANNA 15:14

chun, rawng an ibâwlpêk ding hnam chungthu khawm chu la ngaituong ka tih, chu hnunga chun sum tamtak neiin la hung suok an tih.

INṬANNA 15:16

Chun, suon linaa chun hitaka hin hung kîr nâwk an tih, Amorhai suolnahai hi a la kim hri si nawh,” a ta.

INṬANNA 26:3

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

INṬANNA 28:15

Ngai ta, i kuomah ka um a, i fena taphawtah vêng pei ka ti che a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a ti a.

INṬANNA 37:1

Jakob chu a pa khuolchâmna Kanaan rama chun a um ta a.

INṬANNA 46:4

Aiguptaa chun nang leh fe vêng ka ta; chun, zu ṭhuoi kai nâwk ngei ngei ka ti che: chun, Josef chun i thi pha i mit a siempêk ding che a nih,” a ti a.

INṬANNA 47:29

Chun, Israel thi hun ding chu a hung hnai ta a; chuongchun, a naupa Josef chu a ko a, a kuomah, “I mi lunginsiet thei chun, lunginsiettakin i kut kha ka êlpui hnuoiah rawl la, ka chungah thuzâwmtak le indiktaka thaw dingin intiem rawh. Aiguptaa hin mi phûm lul naw rawh.

INṬANNA 50:24

Chun, Josefin a unauhai kuomah, “Ka thi ding a ni ta a, nisienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a ti a.

INṬANNA 50:6

Chun, Pharao chun, “Ân khâmtir ang che chun i pa chu hang phûm raw chu,” a ti a.

INPÂKNA HLABU 18:46

Lalpa chu a hring zing a, ka lungpui chu inpâkin um raw se, A mi sandamtu Pathien chu chawimawiin um raw se.

LUKA 2:29

“Lalpa, tuhin i thu ang peiin i suok hi thlamuongtakin în fetir ding a na;

THILTHAWHAI 13:36

David chu, Pathien rorêlpêk angin a dam ruolpuihai rawng a bâwl zo khan, a in innghil a, a thlatuhai kuomah an inzâl a, a hmawn hmang tah a nih.

DÂN PAHNINA 30:3

Lalpa in Pathien chun in sal nina chu sukbo a ta, lunginsiet a ti cheu a, Lalpa in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.

DÂN PAHNINA 31:8

I hmaṭhuoitu chu Lalpa nîng a ta, i kuomah um pei a tih, inhlâwsamtir naw ni che a, mâk khawm mâksan naw tawp a ti che; ṭi naw la, zâm bawk naw rawh,” a ti a.

2 TIMOTHE 4:6

Kei chu tu khawm hin inhlânin ka um zing ta si a, ka suok pha a tlung tah.

HEBRAIHAI 7:3

Ama chu pa nei lovin, nu nei lovin, chi thlatuhai chanchin nei lovin, um ṭanna nei lovin, hring tâwp khawm nei chuong lovin, Pathien Naupa anga siema umin, Thiempuah a um zing a nih.

HEBRAIHAI 7:8

Chun, hitaka hin mihriem thi hlakhai hin sâwma pakhat an hmu hlak a, chutaka ruok chun, “a hring zing,” tia a thu an inhriettir chun a hmu a nih.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâwsamtir naw ning che a, mâk khawm mâksan naw tawp ka ti che.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

JOSUA 23:14

Chun, ngai ta u, tuhin leihnuoi po po dân angin, ka fe ve ding a ni tah a nih, Lalpa in Pathienin in chungchâng a ṭha tieng a lo hril tahai po po kha ân khêl pakhat khawm a um nawh ti in lungril po po le in lungvar po poin in hriet a nih, in chungah a hung tlung vawng ta a, pakhat khawm ân khêl a um nawh.

JOSUA 3:7

Chun, Lalpain Josua kuomah, “Mosie kuoma ka um ang khan, i kuoma khawm ka um ding a nih ti an hriet theina dingin, Israelhai po po mithmuah vawisûn hin ka chawimawi ṭan ding che a nih.

2 PETER 1:14

ei Lalpa Isu Kristain a min hriettir ang khan ka bâwktê sie hmang hun chu tlung vak a tih ti ka hriet a.