INṬANNA 48:20 - Pathien Lekhabu Inthieng (BSI)

²⁰ Chuongchun, chu ni chun anni chu mal a sâwm a: “Israelhai chun, ‘Ephraim le Manasse angin Pathienin inumtir raw se che,’ tiin, nangni hming sâlin mal la sâwmpêk hlak an tih,” tiin. Chuongchun, Ephraim chu Manasse hmaah ân umtir ta a.

INṬANNA 48:20 ပူးပေါင်းရင်းမြစ်များ

INṬANNA 24:60

Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 48:21

Chun, Israel bawk chun Josef kuomah, “Ngai ta, ka thi ding a ni ta a: nisienlakhawm, Pathien chu in kuomah um a ta, in thlatuhai rama chun ṭhuoi nâwk a ti cheu.

NAMBAR 13:11

Josef hnam, (Manasse hnam an ti) laia mi Susi naupa Gaddi.

NAMBAR 13:16

Hieng hi ram enthla dinga Mosiein a tirhai hming chu a nih. Nun naupa Hosea chu Mosie chun Josua tiin a thleng a.

NAMBAR 13:8

Ephraim hnama mi Nun naupa Hosea.

NAMBAR 7:48

Ni sari ni chun Ephraim mihai ṭhuoitu Ammihud naupa Eliasam chun ân hlân a;

NAMBAR 7:54

Ni riet ni chun Manasse mihai ṭhuoitu Pedahzur naupa Gamaliel chun ân hlân a;

HEBRAIHAI 11:21

Ringnain Jakob chun, a thi ding lai khan, Josef nauhai chu mal a sâwm ve ve a; a hmawl hmawr ring ringsanin Pathien a biek bawk a.

JOSUA 17:14

Josef thlahai chun Josua kuomah, “Iengtiziea rohluo ding chanpuol pakhat le chan khat chau i mi pêk bîk am a na, Lalpa hlakin mal a mi sâwm nasa a, kan tam hle si a?” tiin an hril a.