INṬANNA 48:15 - Pathien Lekhabu Inthieng (BSI)

¹⁵ Chun, Josef chu mal a sâwm a, “A mi thlatu Abraham le Isak a hmaa an umna hlak Pathien, vawisûn chena ka dam sûng po poa mi châwmtu Pathien,

INṬANNA 48:15 ပူးပေါင်းရင်းမြစ်များ

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 24:20

Chun, inhmâwtakin a tuibêl chu ran thlênga chun ân ruok a, tui chawi dingin tuisunsuo tieng chun a tlân nâwk a, a sanghâwngseihai po po ta ding chun a chawi ta pei a.

INṬANNA 24:40

Nisienlakhawm, ama chun ka kuomah, ‘Lalpa a hmaa ka um hlakna chun a vântirko chu i kuomah tir a ta, i fena dinga chun inhlâwtlingtir a ti che; chuongchun, ka naupa ta dingin ka laibunghai le ka pa sûnghai laia mi nuhmeiah i neipêk ding a nih;

INṬANNA 27:27

Chuongchun, a va hnai a, a fâwp a: ama chun a silfên rim chu a hriet a, mal a sâwm ta a, “En ta, ka naupa rim hi Lalpa malsâwm ram rim ang a nih

INṬANNA 27:4

Chun, ka thi hmaa mal ka sâwm theina ding chein, ka du zâwng takin hme inhniktakah mi siempêk la, ka fâk dingin ka kuomah hung la rawh,” a ti a.

INṬANNA 28:20

Chun, Jakob chun thu a tiem ta a, “Pathien ka kuomah a um a, hi ka fena lampuia hin mi vêng a, fâk ding bei le sil ding silfên a mi pêk a,

INṬANNA 28:22

hi lungphun ka phun khawm hi Pathien in nîng a tih: chun, ka kuoma i mi pêk ding po poa chun sâwma pakhat chu pe ngei ngei ka ti che,” tiin.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 35:3

tho ei ta, Bethelah fêng ei tiu: chuongchun, ka lunginzîng laia mi dawna, ka fenaa ka kuoma um pei Pathien ta ding khan maichâm siem ka tih,” a ta.

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

INṬANNA 49:22

Josef hi kâu ra nuomtak a ni a, Tuikhur kâwla kâu ra nuomtak chu. A kâu nâwksâwnhai chun lung bang ân zâm khum a.

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

INṬANNA 49:28

Chuong po po chu Israel hnam sâwm le hnam hni chu an nih; chun, hieng hi anni malsâwma an kuoma an pa thu hril chu a nih: an malsâwmna dawng ding ang peiin mal a sâwm seng a.

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

1 LALHAI 3:6

Solomon chun, “I siehlaw ka pa David kha i mithmua thutak le, felnaa leh, lungril indiktak puta a um ang pei khan nang chun a kuomah lunginsietna nasatak în langtir a, nangin hi lunginsietna nasatak hi a ta dingin i sie pêk a, a lalṭhungphaa ṭhung ding naupa i pêk a, vawisûna a hung um ta ang ngei hin.

1 CHANCHIN SUINA 5:1

Israel nau lutîr Reuben naupasalhai chu (ama chu nau lutîr a na, nisienlakhawm, a pa khum chu a sukpawrche leiin a nau lutîr nina chu Israel naupa Josef naupasalhai kuoma chun pêk a ni tah a; chuleiin, a thlatu thu bul chu inthla dân pângngai anga ngai a ni ta naw a.

INPÂKNA HLABU 16:8

Lalpa chu ka hmaah kân umtir rawp hlak a, Ka changtieng a um leiin inhnîng naw ning.

INPÂKNA HLABU 23:1

Lalpa chu ka Berâmpu a nih, tlasam naw ningah.

INPÂKNA HLABU 37:3

Lalpa chu ring la, thil ṭha thaw rawh, Hi rama hin um la, ringumna chu hnawt pei rawh.

FESUOKNA 3:16

Fe la, Israel upahai chu ko khâwm la, an kuomah, ‘In thlatuhai Pathien, Abraham Pathien, Isak Pathien le Jakob Pathien Jehova chu ka kuomah a hung inlâr a, Ka hung sir ta ngei cheu a, Aiguptaa in chunga thil thawa um tahai chu ka hmu tah.

FESUOKNA 4:5

“Lalpa, an thlatuhai Pathien, Abraham Pathien, Isak Pathien le Jakob Pathien i kuomah a hung inlâr ti an hriet theina dingin,” a ti a.

THUHRILTU 5:12

Mi sinthaw inrim îmu chu ân hnik a, fa tamin fa tlâwm sien khawm; amiruokchu, hausa chu a hausakna chun inintir phal naw nih.

THUHRILTU 5:18

Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

THUHRILTU 6:7

Mihriem sininrimna po po chu a bau ta ding a na, amiruokchu, phîngṭâmna chu suksip a ni chuong nawh.

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 33:16

ama chu chungtieng chun um a ta, a kulbîng insânghai chu lungpui kulbînghai chu nîng a tih: bu chu a kuoma pêk nîng a ta, a tuihai chu um ngei ngei a tih.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

LUKA 1:6

An pahni chun Pathien mithmuah feltakin an um a, Lalpa thupêk le a dân po po chu sawisêlboa zâwm hlak mi an nih.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

DÂN PAHNINA 33:1

Hi malsâwmna hin a nih Pathien mi Mosie chun a thi hmaa Israel mihai mal a sâwm chu:

KOLOSSA 2:6

Chuleiin, Krista Isu, Lalpa chu in pawm ang khan amaa chun um ro.

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

HEBRAIHAI 11:21

Ringnain Jakob chun, a thi ding lai khan, Josef nauhai chu mal a sâwm ve ve a; a hmawl hmawr ring ringsanin Pathien a biek bawk a.