INṬANNA 47:6 - Pathien Lekhabu Inthieng (BSI)

⁶ Aigupta ram chu a um duoi annâwm: i pa le i unauhai chu ram ṭhatna lailiah umhmun inkhuortir ta la, Gosen ramah umhmun khuor raw se; chun, anni laia mi thilthawtheitak hriet i nei lem chun ka ran chungah hotuah siem rawh,” a ti a.

INṬANNA 47:6 ပူးပေါင်းရင်းမြစ်များ

INṬANNA 13:10

Chuongchun, Lota chu a dâk suok a, Zoar pan zâwng chun, Jordan phaizâwl po po chu Lalpa huon ang, Aigupta ram ang khan ram tina tui um furna hmun a nih ti a hriet a, Lalpain Sodom le Gomorra a suksiet hma kha a ni si a.

INṬANNA 13:9

Ram chu a pumin a um duoi a ni naw am a nih? Lunginsiettakin, ka kuoma inthawk hin insuktum el rawh: nang vawitieng i fe chun kei changtieng fêng ka ta, annawleh, nang changtieng i fe chun kei vawitieng fêng ka tih,” a ti a.

INṬANNA 20:15

Chun, Abimelek chun, “En ta, ka ram a um duoi annâwm, i nuomna taphawta hin um rawh,” a ta.

INṬANNA 34:10

Kan ramah keini lai um in ta, in nuomna hmun hmunah um bawk unla, hienglai hin um unla, sumdâwng unla, insukmuk ro,” a ti a.

INṬANNA 45:10

Gosen ramah um i ta, ka kâwl hnaiah i um ding a nih, nang le i nauhai le i tuhai leh, i berâm ruolhai le i bâwng ruolhai leh, i nei po pohai leh;

INṬANNA 46:34

nangnîn, ‘I siehlawhai hi kan thlatuhai chenah naupang chite kan ni laia inthawk tu chen hin ran vaituhai kan nih,’ ti ro: chuongchun, Gosen ramah um thei in tih. Berâm vêngtu hrim hrim chu Aigupta mihai tirdak zâwngtak a ni si a,” a ti a.

INṬANNA 47:11

Chun, Josef chun a pa le a unauhai chu umhmun ân khuortir a, Pharao thupêk angin, Aigupta rama ram ṭhatak laia Rameses rama chun ro dingin ram a pêk a.

INṬANNA 47:16

Chun, Josef chun, “In ranhai hung pe el ro, in ranhai manah fâk ding pêng ka ti cheu,” a ta.

INṬANNA 47:4

Anni bawk chun Pharao kuomah, “Hi rama um phawt ding hin kan hung a nih: kan ramah i siehlawhai berâm ruolhai fâk ding a um ta si nawh, ṭâm hi Kanaan ramah a tla nasa hle si a; chuleiin, lunginsiettakin i siehlawhai hi Gosen ramah mîn umtir rawh,” an ti a.

INṬANNA 47:5

Chun, Pharao chun Josef a biek a, “I pa le i unauhai hi i kuomah an hung ta a.

1 LALHAI 11:28

Chu Jeroboam chu mi hrât huoisen a na, chuongchun, Solomon chun chu tlangvâl chu mi taimatak nia a hriet leiin Josef sûnghai po po chunga sinthaw hotuah a siem a.

2 CHANCHIN SUINA 26:10

Thlalêra dâm khawm vêngna in insânghai a bâwl a, tuisunsuohai tamtak a cho bawk a, ran ruol tamtak a nei si a, tlângṭhuta le phaizâwla dâm khawm chun; lo hmun ṭhahai le tlâng rama dâm chun huon puhai le grêp hrui enkawltuhai a nei a, huon siem vêl hi a châk zâwngtak a ni si a.

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

FESUOKNA 18:25

Mosie chun Israel mihai laia inthawkin mi thei deu deu a thlang suok a, anni chu mipui luhai ni dingin, sânghai, zahai, sâwmngahai le sâwmhai chunga rorêltuhaiah a sie ta a.

FESUOKNA 9:10

Chun, thuka vut chu an lâk a, Pharao hmaa chun an ngir a; Mosie chun vân tieng chun a vawr ta a, chuongchun, mihriem le ran chunga chun khuoihli invûngah ân chang ta a.

FESUOKNA 9:21

Lalpa thu ngaisaknawtu ruok chun a siehlawhai le ran ruol chu loah ân umtir a.

THUVARHAI 21:1

Lal lungril chu tui luong ruomhai angin Lalpa kuta chun a um a, Ama nuomna tieng tieng a hêm hlak.

THUVARHAI 22:29

Mi a sinthawa taimatak i hmu am? ama chu lalhai hmaah ngîr a tih. Mi hmusitumhai hmaa chun ngîr naw nih.

JEREMIA 40:4

Tuhin, ngai ta, vawisûn ni hin i kuta khaidiet umhaia inthawk chun kân suo che a nih. Babulon tienga kei mi zui hi i ngaia a ṭha chun, hung la, amiruokchu, Babulon tienga kei mi hung zui chu i ta dinga rin a um chun, ṭhul el rawh; ngai ta, ram po po chu i hmaa chun a um a, khaw tienga khawm i ta dinga ṭha le, i ta dinga remchângna tieng tienga chun, chu tienga chun fe rawh,” a ta.

JOHAN 17:2

khânga mi po po chunga thuneia i siem khan, a kuoma i pêkhai po chu chatuona hringna a pêk theina dingin.

1 SAMUEL 21:7

Chun, chu ni chun Saula siehlaw laia mi pakhat Lalpa hmaa hrên a um a, a hming chu Doeg a nih, Edom mi, Saula ran vêngtuhai laia hotu tak a nih.