INṬANNA 47:30 - Pathien Lekhabu Inthieng (BSI)

³⁰ A mi thlatuhai kuoma ka in pha chun nangin Aiguptaa inthawk hin mi zâwn dawkin, anni phûmna hmunah i mi phûm lem ding a nih,” a ti a. Ama chun, “I hril ang hin hung thâwng ka tih,” a ti a.

INṬANNA 47:30 ပူးပေါင်းရင်းမြစ်များ

INṬANNA 15:15

Nang ruok chu i thlatuhai kuomah thlamuongtakin fêng i ta, tar tak i ni hnungin phûm an ti che.

INṬANNA 23:17

Chuongchun, Mamre zâwna Makpelaa Ephron lo chu, a lo, a sûnga pûk um, loa thing um po po le a lo ri vêla thing um po po le chun,

INṬANNA 23:19

Chu hnunga chun Abraham chun a nuhmei Sara chu Kanaan rama Mamre (chu chu, Hebron) zâwna Makpelaa loa pûka chun a phûm ta a.

INṬANNA 25:10

chu lo chu Abrahamin Hit mihaia inthawka ân châwk kha a nih. Chutaka chun Abraham chu an phûm a, a nuhmei Sara le khan.

INṬANNA 25:9

A naupasalhai Isak le Ismael chun Hit mi Zohar naupa Ephron loa, Mamre zâwna Makpelaa pûka chun an vui ta a;

INṬANNA 35:29

Chun, Isak chun a thlarau ân thla a, upatak, tarkûna damin a thi a, a chipuihai kuoma ṭhuoiin a um ta a: chun, a naupasalhai Esau le Jakob chun an phûm ta a.

INṬANNA 50:25

Chun, Josef chun Israel mihai chu ân khâmtir a, “Pathienin hung kan ngei ngei a ti cheu a, ka ruhai hi hitaka inthawkin khitieng in zâwn ngei ding a nih,” a ti a.

2 SAMUEL 19:37

Lunginsiettakin i siehlaw hi mîn fetir nâwk el la, ka nu le pa thlân umna keini khuo ngeiah thi de ning. Amiruokchu, en ta, i siehlaw Kimham hi, lalpa ka pu kuomah fe ve sienla, a chungah ṭha i ti ang angin thaw rawh,” a ta.

2 SAMUEL 2:32

Chuongchun, Asahel ruong chu an lâk a, Bethlehema a pa thlânah an phûm a. Chun, Joab le a mihai chu zânkhawvârin an fe a, Hebron an tlung chun khuo a var a.

1 LALHAI 13:22

i hung kîr nâwk a, ‘Bei va fain, tui hrim hrim khawm va dâwn naw rawh,’ a tina hmun ngeiah, bei i fâk a, tui dâm i dâwn leiin i ruong hi i puhai thlâna sie ni ve naw nih, tiin,” tiin a hril suok ta a.

NEHEMIA 2:3

Kei chun lal kuoma chun, “Lal chu kumkhuoin dam raw se; a mi thlatuhai thlân umna khuo chu a ram ta a, a kawtkhârhai chu a kâng vawng ta si a, lungngai hmêl put lo thei am nîng ka ti?” ka ti a.

NEHEMIA 2:5

Chun, lal kuoma chun, “Lal remti zâwng a ni a, i siehlaw hin i mit ka lo tlung hlak a ni chun, Juda ramah a mi thlatuhai thlân umnaa chun mîn fetir la; khuo chu va siemthar nâwk ka tih,” ka ti a.

DÂN PAHNINA 31:16

Chun, Lalpain Mosie kuomah, “Ngai ta, i pi le puhai kuomah i ininnghil ding a ni ta a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an tih.