INṬANNA 46:7 - Pathien Lekhabu Inthieng (BSI)

⁷ Jakob chun a naupasalhai, a tupahai, a naunuhmeihai, a tunuhai, a thlahai po po chu, Aiguptaa chun a lûtpui tâwl ta a.

INṬANNA 46:7 ပူးပေါင်းရင်းမြစ်များ

INṬANNA 34:7

Jakob naupasalhai chun an hriet phingleh phûla inthawk chun an hung a; chun, Jakob naunu zâlpuiin Israelhai laiah thil suol invêtthlâktak, thil thaw dêr lo ding chu a thaw ta leiin an lungngai a, an lunginsen ta êm êm a.

INṬANNA 46:6

Chuongchun, Jakob le a thlahai po po chun, Kanaana an them suok, an ranhai le an thuomhnawhai chu an sawm a, Aigupta chu an tlung ta a.

INṬANNA 46:8

Chun, hieng hi Israel thla Aiguptaa lût, Jakob le a naupasalhai hming chu a nih: Reuben, Jakob nau lutîr chu.

INPÂKNA HLABU 105:23

Israel khawm chu Aigupta ramah a fe a, Jakob ruok chu Ham rama chun a um ta hri a.

ISAI 52:4

Lalpa Pathien chun hieng ang hin a ti si a, “Ka mihai chu a tira chun Aigupta rama um dingin an fe thla a, chun, Assuria mihai chun ieng lei ni lovin an nêksâwr tâwl a.

NAMBAR 20:15

kan pi le puhai Aigupta ramah an fe thla a, sâwttak el Aigupta rama kan um dâm, Aigupta mihaiin kan pi le puhai le keini ngei khawm ṭha nawtaka an mi thawzie dâm kha.

DÂN PAHNINA 23:7

“Edom mihai chu in thîm ding a ni nawh, in unauhai an ni si a; Aigupta mihai chu in thîm ding a ni nawh, an rama chun in va mikhuol ta leiin.

DÂN PAHNINA 26:5

Chun, Lalpa in Pathien hmaa chun, ‘Kan pu chu Suria mi, mi invai a na, Aigupta ramah a zu fe a, a zu um zing a, tlâwmte an na; chun, chutaka chun hnam ropuitak, thilthawtheitak, tamtak an hung ni ta a.

JOSUA 24:4

Chun, Esau chu a chanpuol dingin Seir tlâng ka pêk a, chun, Jakob le a nauhai kha Aiguptaah an zuk fe a.