INṬANNA 46:5 - Pathien Lekhabu Inthieng (BSI)

⁵ Chuongchun, Jakob chu Beersebaa inthawk chun a suok a, Israel naupahai chun an pa Jakob le an nauhai le an nuhmeihai chu chuongna dinga Pharao tawlailîr inphurhaia khan an inchuongtir a.

INṬANNA 46:5 ပူးပေါင်းရင်းမြစ်များ

INṬANNA 21:14

Chuongchun, Abraham chu zîngkâr inhmatakin a tho a, bei le tuiûm a lâk a, Hagar kuomah a pêk a, a liengkoah ân chuonpêk a, naupang le chun ân fetir ta a; chuongchun, a fe a, Beer-seba thlalêra chun ân vâk ân vâk ta a.

INṬANNA 45:19

Chun, hieng ang hin hril bawk la: in nauhai ta ding le in nuhmeihai ta dingin Aigupta rama inthawk hin tawlailîrhai lain fe unla, in pa ṭhuoiin hung ro.

INṬANNA 45:21

Chuongchun, Israel nauhai chun chuong ang chun an thaw a: chun, Josef chun Pharao thupêk ang chun tawlailîrhai a pêk a, lampuia dingin fâk ding a pêk bawk a.

INṬANNA 45:27

Chun, a kuomah Josef thu hril po po chu an hril a; a chuongna ding tawlailîrhai Josefin a inphur chu a hmu chun an pa Jakob lungril chu a har ta huoi a:

FESUOKNA 10:24

Chun, Pharao chun Mosie a ko a, “Fe unla, Lalpa rawng chu va bâwl ro; in nauhai khawm in ruolin fe ve hai sienla, in berâm ruolhai le in bâwng ruolhai ruok chu mâksan ro,” a ti a.

FESUOKNA 10:26

Kan ran ruolhai khawm keini leh an fe ve ding a nih, ran tê pakhat khawm mâksan an ni ding a ni naw a; kan Pathien Lalpa rawng kan bâwlna dingin kan ṭhuoi ve ngei ding a nih; a hmun kan tlung hmakhat chu ieng hmangin am Lalpa rawng chu kan bâwl ding a nih ti kan hriet si naw a,” a ti a.

THILTHAWHAI 7:15

Chuongchun, Jakob chu Aigupta ramah a zu fe a, chutaka chun ama le ei thlatuhai chu an thi ta a,

1 SAMUEL 12:8

Aigupta rama Jakob a lût hnung khan, in puhai chun Lalpa an ko a, chuongchun, Lalpa chun Mosie le Aron a tir a, anni chun in puhai chu Aigupta rama inthawkin an ṭhuoi suok a, hi hmuna hin an inumtir ta a.