INṬANNA 46:34 - Pathien Lekhabu Inthieng (BSI)

³⁴ nangnîn, ‘I siehlawhai hi kan thlatuhai chenah naupang chite kan ni laia inthawk tu chen hin ran vaituhai kan nih,’ ti ro: chuongchun, Gosen ramah um thei in tih. Berâm vêngtu hrim hrim chu Aigupta mihai tirdak zâwngtak a ni si a,” a ti a.

INṬANNA 46:34 ပူးပေါင်းရင်းမြစ်များ

INṬANNA 13:7

Chuongchun, Abram ran puhai le Lota ran puhai inkâra chun insêlna a hung suok ta a: chuong lai chun Kanaan le Periz mihai chu chu rama chun an um a.

INṬANNA 13:8

Chuongchun, Abramin Lota kuomah, “Lunginsiettakin, kei le nanga inkârah, ka ran puhai le i ran puhai inkâra khawm, insêlna um naw raw se; unau ei ni si a.

INṬANNA 26:20

Gerar ranpuhai chun, “Tui hi kan ta a nih,” tiin Isak ranpuhai chu an insêlpui a: chuonga ama leh an insêl leiin tuisunsuo hminga chun Esek ân bûk ta a.

INṬANNA 30:35

Chuongchun, chu ni tak chun kêlchal a vâra inzetan le, a vâra rawl pheu pheu po po le, kêlpui a vârin a rawl le, a vârin a rawl pheu pheu po po, a vâr ṭhang taphawt chu berâm laia a dum po po le chun a ṭhuoi tum a, a naupasalhai kutah a pêk a.

INṬANNA 34:5

Jakob chun a naunu Dina chu Sekem chun a sukkhawhlo ti a lo hriet a, nisienlakhawm, a naupasalhai chu phûlah ran lai an um leiin an hung hmakhat chu a to zing a.

INṬANNA 37:12

Chun, a uhai chu Sekema chun an pa ran ruol chu inthlain an fe a.

INṬANNA 37:2

Hieng hi Jakob thlahai chu an nih: Josef chu kum sâwmpasari a niin a uhai, a pa nuhmeihai Bilha le Zilpah naupasalhai leh ran ruol an inthla a. Josef chun an suol thukhawchâng chu a pa kuomah ân tlun a.

INṬANNA 43:32

Chuongchun, ama ta dingin atumin, annirawi ta dingin a tumin, Aigupta mihai a fâkpuihai ta dingin a tumin an siem ta a. (Aigupta mihai chun Hebrai mihai chu buthlêng an awtpui thei si nawh; chuong anga thaw chu Aigupta mihai ta ding chun a thieng naw a nih).

INṬANNA 45:10

Gosen ramah um i ta, ka kâwl hnaiah i um ding a nih, nang le i nauhai le i tuhai leh, i berâm ruolhai le i bâwng ruolhai leh, i nei po pohai leh;

INṬANNA 45:18

chun, in pa le in sûnghai chu hung ṭhuoi unla, ka kuoma hin hung ro; chuongchun, Aigupta ram ṭhatna lai tak pêng ka ti cheu a, chu rama thil ṭha takhai chu in fâk ding a nih,’ ti rawh.

INṬANNA 46:32

anni chu ran vaituhai an ni leiin berâm vêngtuhai an ni a, an berâm ruolhai le an bâwng ruolhai le an nei po po an hung sawm vawng a nih,’ tiin, hang hril ka tih.

INṬANNA 47:11

Chun, Josef chun a pa le a unauhai chu umhmun ân khuortir a, Pharao thupêk angin, Aigupta rama ram ṭhatak laia Rameses rama chun ro dingin ram a pêk a.

INṬANNA 47:3

Pharao chun a unauhai kuoma chun, “Ieng sin am in thaw a?” a ti a. Anni chun Pharao kuomah, “I siehlawhai hi kan thlatuhai chenah berâm vêngtuhai kan nih,” an ti a.

INṬANNA 47:4

Anni bawk chun Pharao kuomah, “Hi rama um phawt ding hin kan hung a nih: kan ramah i siehlawhai berâm ruolhai fâk ding a um ta si nawh, ṭâm hi Kanaan ramah a tla nasa hle si a; chuleiin, lunginsiettakin i siehlawhai hi Gosen ramah mîn umtir rawh,” an ti a.

INṬANNA 47:6

Aigupta ram chu a um duoi annâwm: i pa le i unauhai chu ram ṭhatna lailiah umhmun inkhuortir ta la, Gosen ramah umhmun khuor raw se; chun, anni laia mi thilthawtheitak hriet i nei lem chun ka ran chungah hotuah siem rawh,” a ti a.

FESUOKNA 8:22

Chu ni chun ka mihai umna Gosen ram chu suktum ka ta, tho ruol hrim um der naw ni hai, hnuoi chunga hin kei Lalpa ka nih ti i hriet theina dingin.

FESUOKNA 8:26

Mosie chun, “Chuong anga thaw chu rem thei naw nih. Kan Pathien Lalpa kuoma kan inthâwinaa chun Aigupta mihai tirdak zâwng inhlân ding kan ni si a. Aigupta mihai tirdak zâwng chu an mithmu ngeia kan inhlân chun lungin an mi dêng naw ding am a nih?