INṬANNA 46:32 - Pathien Lekhabu Inthieng (BSI)

³² anni chu ran vaituhai an ni leiin berâm vêngtuhai an ni a, an berâm ruolhai le an bâwng ruolhai le an nei po po an hung sawm vawng a nih,’ tiin, hang hril ka tih.

INṬANNA 46:32 ပူးပေါင်းရင်းမြစ်များ

INṬANNA 31:18

chun, Kanaan rama a pa Isak kuoma fe dingin a ran po po le, a sum inkhâwl po po, a ran hmuhai, Paddan-aram rama ân khâwlhai chu a fepui ta vawng a.

INṬANNA 37:2

Hieng hi Jakob thlahai chu an nih: Josef chu kum sâwmpasari a niin a uhai, a pa nuhmeihai Bilha le Zilpah naupasalhai leh ran ruol an inthla a. Josef chun an suol thukhawchâng chu a pa kuomah ân tlun a.

INṬANNA 4:2

Chun, a sang Abel a hung nei nâwk a. Abel chu berâm vêngtu a ni a, Kaina ruok chu hnuoi inlettu a nih.

INṬANNA 45:10

Gosen ramah um i ta, ka kâwl hnaiah i um ding a nih, nang le i nauhai le i tuhai leh, i berâm ruolhai le i bâwng ruolhai leh, i nei po pohai leh;

INṬANNA 46:31

Josef chun a unauhai le a pa sûnghai kuomah, “Hang fêng ka ta, Pharao hril ka ta, a kuomah, ‘Ka unauhai le ka pa sûnghai, Kanaan rama umhai kha, ka kuom an hung tlung tah;

INṬANNA 46:33

Chun, Pharao chun a ko cheu a, ‘Ieng sin am in thaw hlak ?’ a ti pha cheu chun,

INṬANNA 46:34

nangnîn, ‘I siehlawhai hi kan thlatuhai chenah naupang chite kan ni laia inthawk tu chen hin ran vaituhai kan nih,’ ti ro: chuongchun, Gosen ramah um thei in tih. Berâm vêngtu hrim hrim chu Aigupta mihai tirdak zâwngtak a ni si a,” a ti a.

INṬANNA 47:3

Pharao chun a unauhai kuoma chun, “Ieng sin am in thaw a?” a ti a. Anni chun Pharao kuomah, “I siehlawhai hi kan thlatuhai chenah berâm vêngtuhai kan nih,” an ti a.

INṬANNA 9:20

Noa chu hnuoi inlettu hmasatak a ni a, Grêp huon a siem a,

1 LALHAI 9:27

Chun, Hiram chun a siehlaw lawng mihai, tuipuia châng ṭhang, lawnga Solomon siehlawhai fepui dingin a tir a.

FESUOKNA 3:1

Mosie chun a tarpupa Jethro, Midian mihai thiempupa berâm ruol chu a enkawl a: chun, berâm ruol chu thlalêr tlâktieng pangah a ṭhuoi a, Pathien tlâng Horeba chun a hung a.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ZEKARIA 13:5

amiruokchu, ‘Zâwlnei ka ni naw a, hnuoi inlettu ka ni lem, ka tleirâwla inthawk tah siehlawa siem ka ni ta si a,’ tîng a tih.

1 SAMUEL 16:11

Chun, Samuel chun Jesai kuomah, “Hitaka hin i nauhai an um kim vawng am?” a ta. Chun, ama chun, “A naupang tak a la um a, ngai ta, berâm a vêng a nih,” a ta. Chun, Samuel chun Jesai kuomah, “Vân kotir raw khai, a hung tlung hmakhat chun ei awt naw ding a nih,” a ta.

1 SAMUEL 17:15

David chu Saula kuoma inthawk- in a pa berâm enkawl dingin Bethlehema chun a va fe a va fe hlak a.