INṬANNA 46:3 - Pathien Lekhabu Inthieng (BSI)

³ Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

INṬANNA 46:3 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 15:13

Chun, Lalpa chun Abram kuomah, “I thlahai chu anni ram ni lovah mikhuolin la um an ta, chutaka chun suokin um an tih ti chiengtakin hre raw khai; chun, kum za li sukinum an ta;

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 18:18

Abraham hi chi ropui le thilthawtheitak a la hung ni ngei ding a ni si a, amaa chun khawvêla chi tin an la thawveng ding a ni si a.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 35:11

Pathien bawk chun a kuomah, “Kei Pathien Iengkimthawthei ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

INṬANNA 47:27

Chuongchun, Israelhai chun Aigupta rama Gosen rama chun umhmun an khuor ta a; chutaka chun an insukmuk a, chi tamtak an thla a, nasatakin an pung ta a.

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

INṬANNA 48:19

Nisienlakhawm, a pa chun a nuom naw a, “Ka hriet deh, ka naupa, ka hriet, ama khawm hnama hril khawpin um a ta, ama khawm ropui bawk a tih; amiruokchu, a sang hi ama nêkin ropui lem a ta, a thlahai khawm hi chi tum tum tamtak la hung nîng an tih,” a ta.

FESUOKNA 1:12

Nisienlakhawm anni chu an sukrimsi po leh an pung zuol deu deuin, an indar lien deu deu lem ta a. Chun, Aigupta mihai chun Israel mihai chu an ṭithâwng hle el ta a.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

JEREMIA 40:9

Chun, Saphan naupa, Ahikam naupa Gedalia chun inkhâmin, anni le an mihai kuoma chun a hril a, “Kaldaihai hi an rawng bâwlpêk chu ṭi naw ro; rama chun chêng unla, Babulon lal rawng chu bâwl unla, in ta dingin ṭhâng a tih.

THILTHAWHAI 27:24

‘Paula, ṭi naw, Kaisar hmaah i ngîr ding a nih; chun, ngai rawh, lawnga i kuoma fehai po po khawm hi Pathienin a pêk che a nih,’ a mi ti a nih.

THILTHAWHAI 7:17

“Chun, Pathienin Abraham kuoma thu a tiem kha a hung tlung hun chu a tlung dingin, mihai chu Aiguptaa chun an pung a, an tam ta deu deu a,

DÂN PAHNINA 1:10

Lalpa in Pathien chun a sukpung cheu a, ngai ta u, tuhin chu in tamzie chu vâna arasi zât zet in hung ni ta a.

DÂN PAHNINA 10:22

In pi le puhai chu Aiguptaah sâwmsari an fe thla a; tuhin chu tam tienga chun vâna arasi zâtin Lalpa in Pathienin a sukpung ta cheu a nih.

DÂN PAHNINA 26:5

Chun, Lalpa in Pathien hmaa chun, ‘Kan pu chu Suria mi, mi invai a na, Aigupta ramah a zu fe a, a zu um zing a, tlâwmte an na; chun, chutaka chun hnam ropuitak, thilthawtheitak, tamtak an hung ni ta a.