INṬANNA 46:20 - Pathien Lekhabu Inthieng (BSI)

²⁰ Josef chun Aiguptaah naupasal Manasse le Ephraim chu a nei a, chuhai chu On khaw thiempu Potiphera naunu Asenathin ama a neipêk a nih.

INṬANNA 46:20 ပူးပေါင်းရင်းမြစ်များ

INṬANNA 41:45

Chun, Pharaoin Josef hmingah Zaphenath-paneah ân bûk a: On khaw thiempu Potiphera naunu Asenath chu nuhmeiah ân neitir bawk a. Chun, Josef chu a suok a, Aigupta ram chu a fang ta a.

INṬANNA 46:19

Jakob nuhmei Rakil naupasalhai chu: Josef le Benjamin.

INṬANNA 48:1

Chun, chuong hnunga chun, Josef kuomah, “Ngai ta, i pa a dam nawh ie,” an ti a: chuongchun, a naupasalhai pahni, Manasse le Ephraim chu a ṭhuoi a.

INṬANNA 48:20

Chuongchun, chu ni chun anni chu mal a sâwm a: “Israelhai chun, ‘Ephraim le Manasse angin Pathienin inumtir raw se che,’ tiin, nangni hming sâlin mal la sâwmpêk hlak an tih,” tiin. Chuongchun, Ephraim chu Manasse hmaah ân umtir ta a.

EZEKIEL 30:17

Aven le Pi-beseth tlangvâlhai chu kâwlhnâmin tlûng an ta, chun, hieng khawpuihai hi sala ṭhuoiin um an tih.

JOSUA 14:4

Josef thlahai chu hnam hni an na, Manasse le Ephraim chu; Levi chihai chu chu rama chun chanpuol an pêk ve nawh, an umna ding khawpuihai le a khawkâwl vêl ran ruol tlatna hmun ding ti chau naw chu.

JOSUA 17:1

Chun, Manasse thlahai chanpuol chu hieng hi a nih; ama chu Josef naulutîr kha a na. Gilead pa, Manasse nau lutîr Makir ruok chu indo mi a na, Gilead le Basan ram chu a chang a.