INṬANNA 45:7 - Pathien Lekhabu Inthieng (BSI)

⁷ Chuongchun, hnuoia hin chithlahai hlapêk ding cheu le, sanhimna ropuitaka in ta dinga mi tamtak sanhim ding cheuin, Pathienin in hmaah a mi lo tir hmasa a nih.

INṬANNA 45:7 ပူးပေါင်းရင်းမြစ်များ

INṬANNA 45:5

Tuhin hitaka fe dinga in mi zawr leiin lungngai naw ro, nangni le nangni intheida bawk naw ro: mihai hringna sanhim dingin Pathienin in hmaah a mi tir hmasa a ni hi.

INṬANNA 47:12

Chun, Josef chun a pa le a unauhai le a pa sûnghai po po chu, an sûngkuo ang peiin fâk ding a pêk a, a châwm ta a.

INṬANNA 50:20

Nangni chun ka chungah thil suol thaw in lungril a; nisienlakhawm, Pathien chun, vawisûna an um ang ngei hin, mi tamtak dama sanhimna dingin thil ṭhaa inchangtir a lo lungril lem a ni si a.

1 CHANCHIN SUINA 11:14

Chun, chu bu hmun lailung laia chun an ngîr a, an hum tlat ta a; Philistin mihai chu an that a, Lalpa chun hnena ropuitakin anni chu a sanhim a.

INPÂKNA HLABU 18:50

Ama chun hnena ropuitak a lal siem kuoma chun a pêk hlak a, A hrieknâl chungah, David le a thlahai chung ngeia chun, Kumkhawtluongin a ngilneizie inlangtir a tih.

INPÂKNA HLABU 44:4

Aw Pathien, nang chu ka Lal i nih, Jakob sanhimna dingin thu pe rawh.

THILTHAWHAI 7:35

“Chu Mosie, ‘Hotu le rorêltu dingin tuin am a siem che a?’ tia an sêl chu, chîmbuka vântirko a kuoma inlâr khan a ṭhangpui a, Pathienin ama ngei chu hotu le sanhimtu ni fâwm dingin a tir a nih.

RORELTUHAI 15:18

chun, a dang a hung châr ta êm êm el a, Lalpa chu a ko ta a, “Nangin i siehlaw kut hi hmangin ropuitakin i mi lo sansuok ta a, tuhin dangchârin ka thi elin, sertannawhai kuta hin ka tlulût el ding am a nih?” a ti a.