INṬANNA 44:16 - Pathien Lekhabu Inthieng (BSI)

¹⁶ Juda chun, “Pu, i kuomah ieng am hril tâng kan ti leh? Ieng am hril kan ti a? Iengtin am in hrilveng tâng kan ti leh? Pathienin i siehlawhai suolna chu a hmu suok tah a ni hi: ngai ta, pu, i suokhai kan ni a ni ta hi, keini le a kuta no an hmuna khawm hi,” a ti a.

INṬANNA 44:16 ပူးပေါင်းရင်းမြစ်များ

INṬANNA 37:7

ngai ta u, loa hin buphalhai ei lo intêl a, ngai ta u, ka buphal chu a hung tho a, a ngîr ta a; in buphalhai chun an hung inhuol a, ka buphal chu chibai an bûk tâwl a,” a ti a.

INṬANNA 37:9

Chun, mang dang a nei nâwk a, a uhai chu a hril nâwk a, “Ngai ta u, mang ka nei nâwk a, nisa, thla le arasi sâwmpakhat khin chibai an mi lo bûk chu tie,” a ti a.

INṬANNA 44:17

Chun, ama chun, “Chuong ang chun ka thaw naw dingzie chu: a kuta no an hmuna bak hi ka suokah um a tih: nangni ruok chu in pa kuomah lungmuongtakin fe ta ro,” a ti a.

INṬANNA 44:32

I siehlaw hin, ‘I kuoma ka hung ṭhuoi nâwk naw chun a maw chu kumkhuoin i chungah phur ka tih,’ tiin ka pa kuoma chun Bawipu chungthua hin a bul tumtuah kân siem ta si a.

INṬANNA 44:9

I siehlawhai laia hin tukhawm i hmuna taphawt chu thi raw se, keini khawm ei pu suokah um el kan tih,” an ti a.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhrietsuoktir ding le ka naupa mi thatpêk dinga hung i ni hi tie!” a ta.

EZRA 9:10

Chuongchun, tuhin, Aw kan Pathien, hi thua hin iengam hril tâng kan ta? I thupêkhai chu kan lo nghatsan ta si a:

EZRA 9:15

Aw Lalpa, Israel Pathien, nang chu în dik a, a suok a mahla chu i mi lo hlapêk ta si a, vawisûn ni ang chen khawm hin: ngai ta, kan khawhlonahai leh i hmaa hin kan um a ni hi; hi hi lei hin tukhawm i hmaa chun an ngîr thei âwm si naw a,” tiin.

JOB LEKHABU (THE BOOK OF JOB) 40:4

“Ngai ta, kei iengkhawplo hin ieng tin am dawn ka ti che a? Ka kutin ka bau hup el ka tih.

THUVARHAI 17:15

Mi khawhlo chu thiem inchangtir a, mi fel chu thiemnaw inchangtir chu, Chu ve vehai chu angkhata Lalpa ta dinga tirdakum a nih.

THUVARHAI 28:17

Mi tukhawm mi dang hrim hrim thisena suksipa um chu Khur tieng chun tlân hmang a ta, tukhawma chel naw raw se.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

ISAI 5:3

Tuhin, aw Jerusalema umhai le Juda mihai, lunginsiettakin kei le ka grêp huon inkâra thu hi mi ngaituopêk ta u khai.

DANIEL 9:7

Aw Lalpa, felna chu nangma ta a na; nisienlakhawm, vawisûn ni ang bawk hin, hmêl hamhaitak chu kan nei lem a; Juda mihai le, Jerusalem hluotuhai le, Israel rama mi po po khawm, i chunga an lo bawsiet ta leia an bawsietna leia anni i lo hnawt suokna ram po po, ram hla le ram hnaia umhai khawm chu angkhat vawng kan nih.

NAMBAR 32:23

Amiruokchu, chuong anga in thaw naw chun, ngai ta u, Lalpa chunga suol nîng in ta, in suol chun hmu suok ngei ngei a ti cheu ti hre ro.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

LUKA 12:2

Inlang lo dinga thuphmang iengkhawm a um si nawh; hriet lo dinga ip iengkhawm a um bawk nawh.

THILTHAWHAI 2:37

Chun, chuong thu chu an hrietin an lungrilah sun ang an lo ni ta a, Peter le tirko danghai kuoma chun, “Unauhai, iengtin am thaw tâng kan ta?” an ti a.

DÂN PAHNINA 25:1

“Mi an inkhing a, rorêlnaah an fe a, rorêltuhaiin an lo rêlpêk a, mi fel chu thiem an inchangtir a, mi suol chu thiemnaw an inchangtir a ni chun,

JOSUA 7:1

Amiruokchu, Israelhai chun thil inserhai chu an lo bawsiet a. Juda hnama mi Zera naupa Zabdi, chu naupa Karmi, chu naupa Akan chun thil ser ṭhenkhat chu a lo lâk a; chuongchun, Israelhai chunga chun Lalpa lung a lo sen ta a.

JOSUA 7:18

Zabdi sûnghai chu a khât khâtin a hung inlangtir nâwk a; chuongchun, Juda chia mi Zera naupa, Zabdi, chu naupa Karmi,

RORELTUHAI 1:7

Adoni-bezek chun, “Lal sâwmsari kutpui le kepui tan bawnga umhai chun ka dawkân hnuoia bumal an rût hlak a, ka thaw ang chiein Pathien chun a mi hung thung ve an ta hi,” a ti a. Chun, Jerusalemah an ṭhuoi a, chutaka chun a thi ta a.