INṬANNA 43:9 - Pathien Lekhabu Inthieng (BSI)

⁹ A chungthua hin keiin a bul tum pei ka tih: keia inthawk ngeiin ama chu phût rawh. I kuomah ka hung ṭhuoi nâwk a, i hmaa hin kân ngîrtir nâwk naw chun, a maw chu kumkhuoin phur de ningah;

INṬANNA 43:9 ပူးပေါင်းရင်းမြစ်များ

INṬANNA 31:39

Ramsa se khawm i kuoma hin ka la hung intlun ngai naw a, keiin ân hmang ai chu ka tuor lem hlak a, sûna inrûk amanih, zâna inrûk amani khawm ka ithung i phût hlak a.

INṬANNA 42:37

Chun, Reuben chun a pa kuomah, “I kuomah ka hung ṭhuoi nâwk naw leh ka naupasalhai hi that el de ti ni: ama chu ka kutah mîn kawltir la, i kuomah hung ṭhuoi nâwk el ka tih,” tiin a hril a.

INṬANNA 43:10

muong naw inla chu tuhin a vawihnina khawm kan hung tlung nâwk ta ding bah,” a ti a.

INṬANNA 9:5

Chun, in thisen, in hringna phuba chu la ngei ngei ka tih; sa tinrêng chunga chun lâng ka tih, mihriem kuoma inthawk khawmin, mi tin an unauhaia inthawk chun, mihriem hringna phuba chu la seng ka tih.

2 SAMUEL 14:9

Chun, Tekoa khuoa nuhmei chun lal kuoma chun, “Aw lalpa, ka pu, bawsietna maw chu keia chunga le ka pa sûnghai chungah tla el raw se; chun, lal le lalṭhungpha chun maw chu phur naw raw se,” a ta.

1 LALHAI 1:21

Chuong naw chun chu hieng hi hung nîng a ta, ka pu lal hi a puhai kuoma a in ve pha chun, kei le ka naupa Solomon hi thil suksuoltuah an mi ruot el ding a ni hi,” a ta.

JOB LEKHABU (THE BOOK OF JOB) 17:3

“Tuhin intiemna siem la, nangma chu ring tlat ngamna che mi siempêk rawh. Chutaka chun tu am kuthai mi benpui ding an um a?

INPÂKNA HLABU 119:122

I siehlaw chungchâng thuah, a ṭhatna dingin a bul tum la, Chapohaiin mi nêksâwr naw raw se.

EZEKIEL 3:18

Mi rilo kuomah thu ka hril a, ‘Nang chu matheilovin i thi ngei ding a nih,’ ka ti a, ama chu vaulâwkna khawm i lo pêk naw a, a hringna chu sanhimna dinga mi rilo chu a lampui rilova inthawk hung kîr dinga vaulâwkna i lo hril si naw chun; chu mi rilo chu ama suol ngeia chun thîng a tih, amiruokchu, a thisen maw chu nangmaa chun ka hung phût ding a nih.

EZEKIEL 3:20

Chu bâkah mi fel chu a felnaa inthawka ân herhmang a, suol a thaw pha chun, ama hmaa chun tlûkna lung ka sie a, ama chu thi ngei a tih; ama chu vaulâwkna chu i lo pêk naw leiin, a suolnaa chun thîng a ta; chun, a thil fel thawhai chu hriet zing ni ta naw ni; amiruokchu, a thisen maw chu nangma kutah hung phût ka tih.

EZEKIEL 33:6

Nisienlakhawm, vêngtu chun kâwlhnâm hung tlung chu a hmu a, tawtawrâwt a mût naw a, mipuihai chu vaulâwk an ni naw a, kâwlhnâm chu a hung tlung a, anni laia mi tukhawm chu a lâk hmang chun; a suolnaa chu lâk hmang a na; amiruokchu, a thisen maw chu vêngtu kuta chun phût ka tih,’ tiin.

EZEKIEL 33:8

Mi rilo kuoma chun, ‘Aw mi rilo, i thi ngei ding a nih,’ ka ti a, mi rilo chu a um dân bânsan dinga vaulâwkna thu i hril si naw chun mi rilo chu ama suolnaa chun thîng a ta, amiruokchu, a thisen maw chu nangmaa chun ka phût ding a nih.

LUKA 11:50

zâwlnei po po thisen, leilung insieng tîra inthawka kha tulai ruoltharhai chunga phuba lâk a ni theina dingin.

HEBRAIHAI 7:22

chuong ang bawka nasa chun Isu chu thuthlung ṭha lem sukdetpuitu a hung ni ta a.