INṬANNA 43:18 - Pathien Lekhabu Inthieng (BSI)

¹⁸ Chun, Josef ina ṭhuoi lûta an um leiin an ṭi a, “Fe hmasak ṭuma ei ipa tangka a mi pêk kîrhai lei khan a ni hi a mi ṭhuoi lût: ei chunga remchâng zawnga mi thawin, eini le ei sabengtunghai le hin suoka um dinga mi man a tum a ni hi,” an ti a.

INṬANNA 43:18 ပူးပေါင်းရင်းမြစ်များ

INṬANNA 42:21

Chun, anni chun, “Ei sangpa chunga ei thilthaw kha ei thiemnaw tak tak a ni hi, lunginsiet dinga a mi ngên ṭâwk ṭâwk laia, a lungril lunginzîngzie hre zing sia ei ngaipêk nuom naw kha: chuleiin, hi lunginzîngna hin a mi hung nel ve a ni ta hi,” an in ti a.

INṬANNA 42:27

Anni laia mi pakhatin riebûka chun a sabengtung bu pe dinga a ip a hang hawng chun, a tangka chu a hmu ta el a, a ip bau bula chun a lo um a.

INṬANNA 42:28

Chuongchun, a unauhai kuoma chun, “Ka tangka kha an lo sie nâwk a ni hi tie, en ta u, ka ipa hi a lo um zing el,” a ta: chun an lung a kak rak a, “Pathienin hieng anga a mi thaw hi iengtizie am a ni aw?” tiin, inthin pumin an inen tâwl a.

INṬANNA 42:35

Chun, an iphai chu an bun ruok chun, ngai ta, an tangka fûn seng chu an ip senga chun a lo um a; chun, anni le an pa chun an tangka fûn chu an hmu chun an ṭi hle a.

INṬANNA 43:17

Enkawltu chun Josef thupêk ang chun a thaw a; anni chu Josef ina chun a ṭhuoi lût a.

INṬANNA 43:19

Chun, Josef in enkawltu kuoma chun an va fe a, kawtkhâr bula chun an biek a,

INṬANNA 44:8

Ngai ta, kan ip bau bula tangka kan hmuhai khawm kha Kanaan rama inthawkin i kuomah kan hung chawi nâwk kha: iengtin am i pu ina tangka amanih, rângkachak amanih inru thei kan ti leh?

JOB LEKHABU (THE BOOK OF JOB) 15:21

Inlâuna rihai chu a naa chun a châm a; A tluongtlung laiin suksetu chu a chungah hung tlung a tih.

JOB LEKHABU (THE BOOK OF JOB) 30:14

Tui inṭhe huk ang elin an hung a, Suksietna laia chun keia chungah an intêl a.

INPÂKNA HLABU 53:5

Ṭitna hrim hrim um nawnaa chun ṭi êm êmin an um a. Pathienin thaw tuma eptu che ruhai chu a sukdar ta si a; Pathienin anni chu a pei thlâk leiin i sukmuolpho ta a.

INPÂKNA HLABU 73:16

Chu chu ka hriet theina ding zie ka ngaituo chun, Ka ta dingin a na taluo a nih.

ISAI 7:2

Chun, David sûnghai chu, “Suria chu Ephraim leh an ṭhang hmunkhat tah,” tiin an hril a. Chuongchun, a lungril le a khuoletuihai lungril chu, ramhnuoi thinghai thliin a sukhnîng suou suou ang hin, sukhnîngin a hung um ta a.

DANIEL 6:4

Chun, hotuhai le biel awptuhai chun ram chungthuah Daniel chunga chun remchâng an zawng ta a; nisienlakhawm, ama chu ring a um a, amaa chun indiknawna le suksuolna hrim hmu a ni naw leiin a suksuolna le hêkna remchâng chu an hmu thei dêr naw a.

MARKA 6:16

Herod ruok chun a lo hrietin, “Johan, a lu ka itanpa ngei kha a hung tho nâwk a ni chu,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:8

Nisienlakhawm, suolin thupêk lei chun remchâng lai hmuin, inhnarna tinrêng ka sûngah ân umtir a. Dân naw chun suolna chu a thi a nih.

DÂN PAHNINA 22:14

‘Hi nuhmei hi ka nei a, ka pâwl a, nunghâk inthieng a nina ka hmu naw a,’ tia muolphotaka a siem a, a hming a suksiet chun,

DÂN PAHNINA 22:17

I naunu hi nunghâk inthieng a nina ka hmu nawh, tiin muolphotakin a siem a, nisienlakhawm, hieng hi ka naunu chu nunghâk inthieng a nina chu annâwm,’ tîng a ta.

RORELTUHAI 13:22

Chun, Manoa chun, a nuhmei kuomah, “Ei thi ngei ding a nih, Pathien ei hmu tlat si a,” a ti a.

RORELTUHAI 14:4

Nisienlakhawm, a nu le pa chun, chu chu Lalpa thaw a nih ti an hriet naw a; Philistin mihai chunga remchâng a zawng a ni si a. Chuong lai chun Philistin mihai chun Israel mihai chungah ro an rêl a.