INṬANNA 42:21 - Pathien Lekhabu Inthieng (BSI)

²¹ Chun, anni chun, “Ei sangpa chunga ei thilthaw kha ei thiemnaw tak tak a ni hi, lunginsiet dinga a mi ngên ṭâwk ṭâwk laia, a lungril lunginzîngzie hre zing sia ei ngaipêk nuom naw kha: chuleiin, hi lunginzîngna hin a mi hung nel ve a ni ta hi,” an in ti a.

INṬANNA 42:21 ပူးပေါင်းရင်းမြစ်များ

INṬANNA 41:9

Chun, uoin pe hotu tak chun Pharao kuomah, “Vawisûn hin ka suksuolzie ka hriet suok tah:

INṬANNA 44:16

Juda chun, “Pu, i kuomah ieng am hril tâng kan ti leh? Ieng am hril kan ti a? Iengtin am in hrilveng tâng kan ti leh? Pathienin i siehlawhai suolna chu a hmu suok tah a ni hi: ngai ta, pu, i suokhai kan ni a ni ta hi, keini le a kuta no an hmuna khawm hi,” a ti a.

INṬANNA 45:3

Chun, Josef chun a unauhai kuomah, “Josef kha ka nih, ka pa chu a la dam maw?” a ti a. Nisienlakhawm, a unauhai chun an dawn thei naw a, a hmaa chun lungzîngtaka an um leiin.

INṬANNA 50:15

Josef unauhai chun an pa thi chu an ngaituoin, “Josef hin mi theidâng a ta, a chunga thil ei suksuol po po phuba kha ei chunga hin la hung la kim nek el a ti aw,” an ti a.

2 SAMUEL 12:13

Chun, David chun Nathan kuomah, “Lalpa chungah thil ka lo suksuol tah a nih,” a ta. Chun, Nathan chun David kuomah, “Lalpa khawma i suol chu a sie hmang ve ta a; thi naw ti nih.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhrietsuoktir ding le ka naupa mi thatpêk dinga hung i ni hi tie!” a ta.

THUVARHAI 21:13

Tukhawm mi pasie khêk ria a nahai suksêt chu, Ama khawm khêk ngei a ta, amiruokchu, ngai ni naw nih.

THUVARHAI 28:17

Mi tukhawm mi dang hrim hrim thisena suksipa um chu Khur tieng chun tlân hmang a ta, tukhawma chel naw raw se.

JEREMIA 2:17

Lampuia chun a ṭhuoi lai chea, Lalpa i Pathien i nghatsan khan, hi hi nang chun i nei tlat ni lo am a nih?

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 34:17

Chuleiin, Lalpa chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna puong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka puong a nih, Lalpa chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JEREMIA 4:18

I thilthawhai le i lampui chun hieng thilhai hi ân neitir che a ni hi; hi hi i khawhlona chu a nih: khâk khawm a kha si a; i lung chen a tlung ta si a.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

NAMBAR 32:23

Amiruokchu, chuong anga in thaw naw chun, ngai ta u, Lalpa chunga suol nîng in ta, in suol chun hmu suok ngei ngei a ti cheu ti hre ro.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

MARKA 9:48

chu hmuna chun an nge a thi ngai ta naw a, mei khawm chu a rêm ngai ta bawk nawh.

LUKA 16:28

piengpui pasal panga ka nei si a; hi na umnaa hin hung ve rawi an tih, ṭhahnemngaitakin hril raw se,’ a ta.

THILTHAWHAI 19:18

Chunawa khawm, ringtu hung ni tah tamtak chu inpuongin an thil chînghai an hril suok a.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.

RORELTUHAI 1:7

Adoni-bezek chun, “Lal sâwmsari kutpui le kepui tan bawnga umhai chun ka dawkân hnuoia bumal an rût hlak a, ka thaw ang chiein Pathien chun a mi hung thung ve an ta hi,” a ti a. Chun, Jerusalemah an ṭhuoi a, chutaka chun a thi ta a.