INṬANNA 41:52 - Pathien Lekhabu Inthieng (BSI)

⁵² Chun, a nau pahnina hminga chun Ephraim a sak a, “Pathienin ka rinum tuorna rama hin chi a mîn thlatir ta si a,” a ta.

INṬANNA 41:52 ပူးပေါင်းရင်းမြစ်များ

INṬANNA 17:6

Nasatakin chi inthlatir ka ti che a, nangmaa chun chi ti khawp hiel dâm siem ka ta, nangmaa inthawkin lalhai hung suok bawk an tih.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 41:51

Josef chun a nau lutîr hminga chun Manasse a sak a, “Pathienin kân rimna po po le ka pa sûnghai chu a mîn theinghiltir ta si a,” a ta.

INṬANNA 41:53

Kum ṭhat kum, kum sari, Aigupta rama hung tlung chu a hung bo ta a.

INṬANNA 48:1

Chun, chuong hnunga chun, Josef kuomah, “Ngai ta, i pa a dam nawh ie,” an ti a: chuongchun, a naupasalhai pahni, Manasse le Ephraim chu a ṭhuoi a.

INṬANNA 48:14

Nisienlakhawm, Israel chun a ban inkal ṭâl a, a kut changtieng chun a ban a, a naupang lem Ephraim lusîpah, a kut vawitieng chu Manasse lusîpah ân nghat a, Manasse chu nau lutîr a ni si a.

INṬANNA 48:5

Chun, i naupasalhai pahni, Aiguptaa i kuoma ka hung hmaa i neihai hi, ka ta an nih: Ephraim le Manasse hi, Reuben le Simeon ang bawkin ka ta nîng an tih.

INṬANNA 49:22

Josef hi kâu ra nuomtak a ni a, Tuikhur kâwla kâu ra nuomtak chu. A kâu nâwksâwnhai chun lung bang ân zâm khum a.

INṬANNA 50:23

Josef chun Ephraim nau a tuhai khûp thum chen a hmu a, Manasse naupa Makir nauhai khawm Josef mal chungah an pieng a.

AMOS 6:6

berbu liena uoin dâwn a, hriek ṭhataka innâl hlakhai chu; nisienlakhawm, Josefhai rinumna leiin an lungngai nawh.

NAMBAR 26:28

An pahnam indawt dân ang peia Josef thlahai: Manasse le Ephraim;

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

JOSUA 14:4

Josef thlahai chu hnam hni an na, Manasse le Ephraim chu; Levi chihai chu chu rama chun chanpuol an pêk ve nawh, an umna ding khawpuihai le a khawkâwl vêl ran ruol tlatna hmun ding ti chau naw chu.

JOSUA 16:4

Chuongchun, Josef nauhai Manasse le Ephraim chihai chun chanpuolah an nei a.

JOSUA 17:1

Chun, Manasse thlahai chanpuol chu hieng hi a nih; ama chu Josef naulutîr kha a na. Gilead pa, Manasse nau lutîr Makir ruok chu indo mi a na, Gilead le Basan ram chu a chang a.

1 SAMUEL 1:20

Chuongchun, Hanna chun nau a vawn a; a hun a hung tlung chun naupasal a nei a, “Lalpa ka ihni a nih,” tiin a hminga chun Samuel a sak a.