INṬANNA 41:43 - Pathien Lekhabu Inthieng (BSI)

⁴³ Chun, a tawlailîr nei pahninaa chun ân chuongtir a, a hmaa chun, “Dingṭhaṭhuon ro,” tiin an khêk pei a; chuongchun, Aigupta ram po po chunga chun hotuah a siem ta a.

INṬANNA 41:43 ပူးပေါင်းရင်းမြစ်များ

INṬANNA 41:42

Chun, Pharaoin a kuta inthawkin a hming namna kutsebi chu a phawi a, Josef kutah ân buntir a, puon zai inhmia siem silfênhai ân hâktir bawk a, a rîngah rângkachak khaidiet ân hlîtir a;

INṬANNA 41:44

Chun, Pharaoin Josef kuomah, “Kei Pharao ka nih, nanga thu naw chun Aigupta ram sûng po poa hin tukhawmin an kut amanih, an ke amanih inlet naw ni hai,” a ta.

INṬANNA 42:30

“Chu an ram hotu chun inrawmtakin a mi biek a, ram enthlatuah a mi ruot a.

INṬANNA 42:33

Chun, ram hotu chun kan kuomah, ‘Hieng ang hin mi indiktak in nih ti hre thei ka tih, in unau pakhat ka kuomah mâksan unla, in sûnghai ṭâm ta ding chun bu phur unla, fe ta ro: chun in mi tlumtak chu ka kuomah hung ṭhuoi ro:

INṬANNA 42:6

Chun, Josef chu Aigupta ram chunga chun hotu a ni a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

INṬANNA 45:26

A kuomah, “Josef kha a la dam a, Aigupta ram po po rorêltu a nih,” tiin an hril a. Chun, a lung chu a mit sul a, an thu hril chu a awi si naw a.

INṬANNA 45:8

Chuongchun, hitaka mîn kaitirtu hi nangni in ni naw a, Pathien a ni lem, ama chun Pharao paa le a sûnghai po po hotuah le Aigupta ram po po rorêltuah a mi siem ta a.

INṬANNA 50:18

A unauhai khawm chu an va fe a, a hmaa chun an bawkkhup tâwl a, “Ngai ta, i siehlawhai kan ni hi,” an ti a.

INṬANNA 50:9

Anni ruol chun tawlailîrhai le, sakawr chung chuong mihai an hang fe ve a; pâwl ruol lientak an nih.

ESTHER 10:3

A chipuihai laia chun thlamuongna thu hrilin, a mihai ta ding thil ṭha zawngin, a unau mi tamtakhai ilâwm le Juda mihai laia ropuitak le lal Ahasuer dawttu, Juda mi Mordekai chu a ni si a.

ESTHER 3:2

Chuongchun, lal siehlaw, lal kul kawtkhâra um hlakhai po po chun Haman chu chibai an bûk a, an inza êm êm hlak a; ama chungthua chun lal chun chuong ang ding chun thu a pêk hrim a ni si a. Amiruokchu, Mordekai chun chibai a bûk naw a, ama chu inzâ khawm ân zâ bawk naw a.

THUHRILTU 4:14

lungina inthawka lal ni dinga hung suok amanih, a lalram sûng ngeia mi rimsia pieng hrim khawm ni sien.

DANIEL 2:48

Chun, lal chun Daniel chu ropuitakin a siem a, thilpêk ropuitakhai a pêk a, Babulon rama mi var po po chunga hotu tak le Babulon biel sûng po poa rorêl dingin a siem ta a.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

PHILIPPI 2:10

Isu hminga mi tin, vâna mihai, hnuoia mihai, hnuoi hnuoia mihai leh, an dingṭhaṭhuonna ding le,