INṬANNA 41:41 - Pathien Lekhabu Inthieng (BSI)

⁴¹ Pharao bawk chun Josef kuomah, “En ta, Aigupta ram sûng po poa hin hotuah ka siem che,” a ti a.

INṬANNA 41:41 ပူးပေါင်းရင်းမြစ်များ

INṬANNA 39:22

Chuongchun, intângna in vêngtu chun intângna ina intânghai po po chu Josef kutah ân kawltir ta vawng a; chuongchun, chutaka an thaw taphawt chu Josef chu a thawtu a ni pei hlak a.

INṬANNA 39:5

A inah hotuin a siem a, a nei po po chunga hotua a siem chena inthawk chu Josef leiin Lalpa chun Aigupta mi sûng khat chu mal a sâwm ta a; in tieng le ram tienga a nei po po chu Lalpain mal a sâwm a.

INṬANNA 41:44

Chun, Pharaoin Josef kuomah, “Kei Pharao ka nih, nanga thu naw chun Aigupta ram sûng po poa hin tukhawmin an kut amanih, an ke amanih inlet naw ni hai,” a ta.

INṬANNA 42:6

Chun, Josef chu Aigupta ram chunga chun hotu a ni a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

INṬANNA 45:8

Chuongchun, hitaka mîn kaitirtu hi nangni in ni naw a, Pathien a ni lem, ama chun Pharao paa le a sûnghai po po hotuah le Aigupta ram po po rorêltuah a mi siem ta a.

ESTHER 10:3

A chipuihai laia chun thlamuongna thu hrilin, a mihai ta ding thil ṭha zawngin, a unau mi tamtakhai ilâwm le Juda mihai laia ropuitak le lal Ahasuer dawttu, Juda mi Mordekai chu a ni si a.

INPÂKNA HLABU 105:21

A sûnghai chungah hotua le, A sum po po chunga rorêltuah a siem a;

THUVARHAI 17:2

Siehlaw vartaka thaw hlaktu chun naupa, inzakna intlun hlaktu, chunga chun rorêl a tih. Unauhai laiah rochan nei bawk a tih.

THUVARHAI 22:29

Mi a sinthawa taimatak i hmu am? ama chu lalhai hmaah ngîr a tih. Mi hmusitumhai hmaa chun ngîr naw nih.

THUHRILTU 4:14

lungina inthawka lal ni dinga hung suok amanih, a lalram sûng ngeia mi rimsia pieng hrim khawm ni sien.

DANIEL 2:48

Chun, lal chun Daniel chu ropuitakin a siem a, thilpêk ropuitakhai a pêk a, Babulon rama mi var po po chunga hotu tak le Babulon biel sûng po poa rorêl dingin a siem ta a.

DANIEL 6:3

Chun, hi Daniel hi amaa chun lungvar ṭha bîk a um leiin biel awptuhai le an hotuhai nêk chun a danglam bîk rieu a; chuongchun, lal chun a ram po po chunga hotua siem a lungril a.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.