INṬANNA 41:40 - Pathien Lekhabu Inthieng (BSI)

⁴⁰ nang hi ka sûnghai chunga hotuah um i ta, ka khuoletui po po i thu thuin um a tih: lalṭhungphaa ṭhung thua chau hin nanga nêkin inlal ka tih,” a ta.

INṬANNA 41:40 ပူးပေါင်းရင်းမြစ်များ

INṬANNA 39:9

hi ina hin keia nêka lien lem tukhawm an um naw a: a nuhmei i ni leiin nang bak naw chu ka ta dingin iengkhawm inro a nei bawk nawh: chuleiin, iengtin am hi suol lientak hi thawin Pathien chungah thil suksuol thei ka ti leh?” a ti a.

INṬANNA 44:18

Chu phingleh Juda chun Josef chu a va hnai a, “Aw pu, lunginsiettakin i siehlaw hi i hrietah thu bau khat mîn hriltir rawh, i lunginsen chu i siehlaw chunga hin inchawktir naw la, nang chu Pharao ang el i ni si a.

INṬANNA 45:26

A kuomah, “Josef kha a la dam a, Aigupta ram po po rorêltu a nih,” tiin an hril a. Chun, a lung chu a mit sul a, an thu hril chu a awi si naw a.

ESTHER 10:3

A chipuihai laia chun thlamuongna thu hrilin, a mihai ta ding thil ṭha zawngin, a unau mi tamtakhai ilâwm le Juda mihai laia ropuitak le lal Ahasuer dawttu, Juda mi Mordekai chu a ni si a.

ESTHER 3:1

Hieng thil hnunga hin lal Ahasuer chun Agag mi Hammedatha naupa Haman chu ân kaisângtir a, ama chu a siesâng a, a ṭhunghmun chu ama ruolpui milienhai po po chunga chun a sie a.

JOB LEKHABU (THE BOOK OF JOB) 31:27

Ka lungril chu arûka hîpa a um a, Ka bau chun ka kut chu a fâwp chun;

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni si a. Amaa an ringna innghattuhai po po chu an hamṭha.

THUVARHAI 22:29

Mi a sinthawa taimatak i hmu am? ama chu lalhai hmaah ngîr a tih. Mi hmusitumhai hmaa chun ngîr naw nih.

DANIEL 5:29

Chun, Belsazzar chun thu a pêk a, Daniel chu puon senduk an insiltir a, a rînga chun rângkachak khaidiet an inhlitir a; chun, ama chungthua chun ram sûnga rorêltu pathumna chu a ni ding a nih ti thupuong a siem ta a.

DANIEL 6:3

Chun, hi Daniel hi amaa chun lungvar ṭha bîk a um leiin biel awptuhai le an hotuhai nêk chun a danglam bîk rieu a; chuongchun, lal chun a ram po po chunga hotua siem a lungril a.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.