INṬANNA 41:25 - Pathien Lekhabu Inthieng (BSI)

²⁵ Chun, Josef chun Pharao kuomah, “Pharao mang hi thuhmun a nih: Pathienin a thilthaw ding Pharao ân hriettir a ni chu.

INṬANNA 41:25 ပူးပေါင်းရင်းမြစ်များ

INṬANNA 40:8

Anni chun a kuomah, “Mang kan nei a, a mi hrilfie thei tukhawm an um si nawa a nih,” an ti a. Josef chun an kuomah, “Mang hrilfienahai chu Pathien ta a ni naw am a nih? Lunginsiettakin mi hang hril ta u,” a ti a.

INṬANNA 41:16

Josef chun Pharao chu a dawn a, “Chu chu keimaa um a ni naw a, Pathienin Pharao chu thlamuongthlâktakin dawn lem a tih,” a ti a.

INṬANNA 41:26

Bâwngpui pasari ṭhatak takhai chu kum sari an nih, bu vui sari ṭhatak takhai khawm chu kum sari an ni bawk a; mang chu thuhmun a nih.

INṬANNA 41:28

Chu chu a nih Pharao kuoma ka hril kha: Pathienin a thilthaw ding Pharao ân hriettir a ni hi.

INṬANNA 41:32

Chun, Pharao mang ân nei nawntirna che chu hi lei hi a nih, thil thaw ding chu Pathienin a sukdet a, Pathien bawkin ân tlungtir vak ding leiin.

INPÂKNA HLABU 98:2

Lalpa chun a sandamna chu ân hriettir a, A felna chu hnam tin mithmua chun chiengtakin ân langtir tah.

FESUOKNA 9:14

Hnuoi chung po poah keima ang tukhawm an um nawh ti i hriet theina dingin, tuta ṭum hin chu, i mihai le i siehlawhai le nangma chunga ngei ka hri po po ka hung tir ding a ni si a.

ISAI 43:9

Hnam tinrêng inkhâwm sienla, mi tin um khâwm raw se; anni laia tuin am hi hi hril thei a, kha hmaa thilhai mîn hriettir thei? Thiem inchangtira an um theina dingin an thu hretuhai chu hung ṭhuoi raw hai se; annawleh, nain hre hai sienla, “Thutak a nih,” ti raw se.

DANIEL 2:45

Chun, tlânga inthawka lung chu kuthai ṭhang lova sât thlâka uma, thîr dâm, dârsen dâm, pil dâm, tangkaruo dâm le rângkachak dâm chu a nâwia a sukkawi i hmu ta ang khan, Pathien ropuitak chun hi hnunga thil hung um ding lal kuoma chun a hung inhriettir a ni hi; mang chu indik ngei a ta, a umzie khawm chu indik bawk a tih,” a ta.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i puong theizie hmu hrim hin, thurûkhai puongtu chu a ni ngei hi,” a ta.

AMOS 3:7

Indiktakin Lalpa Pathien chun a rawngbâwltu, a zâwlneihai kuoma a thurûk hril lovin iengkhawm thaw naw ni.

MATTHAI 24:40

Chu phâ chun, loah mi pahni um an ta, pakhat chu fe hmangpuiin um a ta; pakhat chu mâksanin um a tih.

MARKA 13:23

Nangni ruok chu fimkhur ro, ngai ta u, iengkim ka hril lâwk ta cheu hi.

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

JOSUA 11:6

Chun, Lalpain Josua kuomah, “Anni leiin ṭi naw rawh, zîngah hieng tik phât hin anni chu sukhlum sa vawngin Israelhai chu ka hung pêk el ding a nih; an sakawr thahai chu sat pêk i ta, an tawlailîrhai chu i raw el ding a nih,” a ta.

THUPUONGSUO 4:1

Chuong thil hnunga chun ka hang en a, chun, ngai ta, vânah kawtkhâr inhawng ka hmu a; chun, rawl ka hriet hmasak, tawtawrâwt ri anga mi bie khan, “Hitaka hin hung rawh, chuongchun, tuta hnunga thil hung um dinghai inentir ka ti che,” a ta.