INṬANNA 41:24 - Pathien Lekhabu Inthieng (BSI)

²⁴ chun, vui chite tehai chun vui sari ṭhatak takhai chu an lem zo el ta a. Chun, mitvaidawithiemhai chu ka hril a, nisienlakhawm, a mi hrilfie thei tukhawm an um si naw a,” tiin a hril a.

INṬANNA 41:24 ပူးပေါင်းရင်းမြစ်များ

INṬANNA 41:23

chu hnunga chun vui sari vuoi sil sel, chite te, khawsak thli imût ṭâwl bir ber hi an hung suok nâwk a:

INṬANNA 41:8

Chun, zîngtieng chun a lunginzîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um naw a.

FESUOKNA 8:19

Aisânthiemhai chun Pharao kuomah, “Hi hi Pathien kutpâr a nih,” an ti a. Pharao lungril ruok chu sukngarin a um a, Lalpain a lo hril ta ang ngei khan, an thu chu a ngai chuong nawh.

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

DANIEL 4:7

Chun, mitvaidawithiemhai, aisânthiemhai, Kaldai mihai le vânghriltuhai chu an hung lût a: chun, an hmaa chun mang chu ka hril a; nisienlakhawm, a umzie chu an mîn hriettir thei naw a.