INṬANNA 41:15 - Pathien Lekhabu Inthieng (BSI)

¹⁵ Chun, Pharao chun Josef kuomah, “Mang ka nei a, a hrilfie thei tukhawm an um naw a, nangin mang hi a thu i hriet chun i hrilfie thei ti i chanchin mi hril ka lo hriet a,” a ti a.

INṬANNA 41:15 ပူးပေါင်းရင်းမြစ်များ

INṬANNA 40:8

Anni chun a kuomah, “Mang kan nei a, a mi hrilfie thei tukhawm an um si nawa a nih,” an ti a. Josef chun an kuomah, “Mang hrilfienahai chu Pathien ta a ni naw am a nih? Lunginsiettakin mi hang hril ta u,” a ti a.

INṬANNA 41:8

Chun, zîngtieng chun a lunginzîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um naw a.

2 CHANCHIN SUINA 26:5

Pathiena thil hmulâwk hrietthiemna nei Zekaria dam sûng po chun Pathien chu zawng dingin ân siem a; Lalpa chu a zawng sûng po chu, Pathien chun ân hlawtlingtir bawk a.

INPÂKNA HLABU 25:14

Lalpa thurûk chu ama ṭituhai kuomah a um a, A thuthlung chu anni inhriettir a tih.

DANIEL 2:3

Lal chun an kuomah, “Mang ka nei a, chu mang chu hre suok nâwk dingin ka lungril a buoi ngawt el a nih,” a ta.

DANIEL 4:18

Hi mang hi kei Nebukadnezzar hin ka hmu ta a, Aw Beltesazzar, a umzie chu hrilfie rawh, ka ram sûnga mi varhai chun a umzie chu an mîn hriettir thei si naw a: nisienlakhawm, nang chun i thei a nih; pathien inthienghai thlarau chu nangmaa chun a um si a,” ka ti a.

DANIEL 4:9

“Aw Beltesazzar, mitvaidawithiemhai hotu, pathien inthienghai thlarau chu nangmaa chun a um a, thurûk chun nang a sukbuoi ngai naw che ti ka hriet leiin, ka manga thil hmulâwkhai ka hmu ta le, a umzie chu mi hril rawh.

DANIEL 5:12

lalin Beltesazzar ân bûk Daniela chun, thu ringhla umhai sukfelin, thu khirtakhai a umzie inentirin le manghai hrilfiein, amaa chun hrietna dâm, thiemna dâm le lungril ṭha bîk chu hmu suokin a um a. Tuhin Daniel chu inkotir la, a umzie chu inentir el a tih,” a ta.

DANIEL 5:14

I chanchin ka lo hriet a, pathienhai thlarau chu nangmaah a um a, nangmaa chun êngna le thiemna le varna ṭha bîk chu hmuin a um ti ka lo hriet bawk a.

DANIEL 5:16

Amiruokchu, a umziehai chu i hril theiin, thu ringhlaumhai khawm chu i sukfel thei tiin i chanchin hi ka lo hriet a; tuhin, lekhaziek hi i tiem thei a, a umzie chu i mîn hriettir thei chun puon senduk insiltir nîng i ta, i rîngah rângkachak khaidiet inhlitir ni bawk i ta, hi rama hin rorêltu pathumna chu nîng i tih,” a ta.