INṬANNA 4:4 - Pathien Lekhabu Inthieng (BSI)

⁴ Abel khawm chun a berâm ruol laia a pieng hmasatakhai le a thau chu a hung lâk a. Lalpa chun Abel le a thilinhlân chu a lâwm a;

INṬANNA 4:4 ပူးပေါင်းရင်းမြစ်များ

INṬANNA 15:17

Chun, nisa a hung tla a, khuo a hung inthim chun, ngai ta, rawtuina mei khu mup mup le chuong saherhai kâra chun meiser chawk vung vung inlawn inlawn a um a.

INṬANNA 4:3

Chun, a nakie chun hieng ang hi a na, Kaina chun Lalpa kuoma inhlân dingin a lo hmasuokhai a hung lâk a.

1 LALHAI 18:24

Chun, nangni chun in pathien hming chu lam unla, kei khawma Lalpa hming lam ka ta, chuongchun, meia hung dawntu Pathien taphawt chu Pathien ni raw se,” a ta. Chun, mi po po chun an dawn a, “Ân dik a nih,” an ti tâwl a.

1 LALHAI 18:38

Chuongchun, Lalpa mei chu a hung tla a, pumrawhmang thilinhlân dâm, thing dâm, pilvut dâm, lung dâm chu a kâng hmang a, cho khur a tui khawm chu a hîp kang ta vawng a.

1 CHANCHIN SUINA 21:26

Chun, Davidin chutaka chun maichâm chu Lalpa ta dingin a siem a, pumrawhmang thilinhlân le, inremna thilinhlân chu ân hlân a, Lalpa chu a ko ta a; chun, ama chun vâna inthawk chun pumrawhmangna maichâm chungah meiin a zuk dawn ta a.

2 CHANCHIN SUINA 7:1

Solomonin ṭawngṭaina chu a suktâwp chun, vâna inthawkin mei a hung tla a, inthâwinahai le pumrawhmang thilinhlânhai chu a kâng hmang a; Lalpa ropuina chun in chu a suksip ta a.

INPÂKNA HLABU 20:3

I thilinhlân po po chu hre zing sienla, I pumrawhmang thilinhlân chu lâwm raw se.

FESUOKNA 13:12

sul hung kêu hmasatak taphawt chu Lalpa ta bîk dingin sie tum i tih. I ran nei tê a pieng hmasatak po po a chal taphawt chu Lalpa ta nîng a tih.

THUVARHAI 3:9

I thilneia chun Lalpa chu inza la, I hlâwkna po po rahmasahaia le chun,

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

LEVI DÂN 9:24

Lalpa hmaa inthawk chun mei a hung suok a, pumrawhmang thilinhlân le a thâuhai chu maichâma chun a kâng hmang ta a; chu chu mipui po poin an hmu chun an khêk dur dur a, an bawkkhup ta ṭhuop a.

NAMBAR 16:15

Chuongchun, Mosie chu a lung a sen hle el ta a; Lalpa kuomah, “An thilinhlân chu pawm naw rawh, an sabengtung chu pakhat khawm ka lâk naw a, tukhawm ka sukna bawk nawh,” a ta.

NAMBAR 16:35

Chun, Lalpa kuoma inthawkin mei a hung suok a, riminhnik inhlântu mi za hni le sâwmnga hai chu a hung kâng hlum ta a.

NAMBAR 18:12

Hriek ṭha tak dâm, grêp ṭha tak dâm, bu ṭha tak dâm, ra hmasa tak Lalpa ta dinga an pêk chu ka pêk che.

NAMBAR 18:17

Amiruokchu, bâwng pieng thla hmasa tak dâm, berâm pieng thla hmasa tak dâm, kêl pieng thla hmasa takhai chu în tlan ding a ni naw a, an inthieng a nih, an thisen chu maichâmah thêng i ta, Lalpa ta dinga riminhnikah an thâuhai chu meia thilinhlânah i raw ding a nih.

HEBRAIHAI 11:4

Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

HEBRAIHAI 9:22

Chun, Dân chun chu iengkim deuthaw hi thisena sukthiengin a um hlak a, thisen insuo naw chun ngaidamna hrim a um nawh.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

RORELTUHAI 6:21

Chuongchun, Lalpa vântirko chun a hmawl chawi hmawr chun sa le chawl ṭhanglo bei chu a hei tâwk a; chun, lunga inthawk chu mei a hung suok a, sa le chawl ṭhanglo bei chu a kâng hmang vawng a; chun, Lalpa vântirko chu a mithmua inthawk chu a fe hmang ta a.

1 SAMUEL 15:22

Chun, Samuel chun, “Lalpa chun Lalpa thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.