INṬANNA 4:17 - Pathien Lekhabu Inthieng (BSI)

¹⁷ Kaina chun a nuhmei a pâwl a, chuongchun, ân rai a, Enok a nei a; chun, khuo a siem a, a khaw hminga chun a naupa hming chawiin Enok a sak a.

INṬANNA 4:17 ပူးပေါင်းရင်းမြစ်များ

INṬANNA 11:4

Chun, “Thaw ro, khawpui siem ei ta, in insâng a sîpin vân tawng dingin bâwl bawk ei tiu a, ei hming sukthang ei tiu; chuong naw chun hnuoi chung po poa hin sukdarin um râwi ei tih,” an in ti a.

INṬANNA 4:16

Chuongchun, Kaina chu Lalpa kuoma inthawk chu a suok ta a. Eden sak tienga Nod ramah a um ta a.

INṬANNA 4:18

Enok chun Irad a nei a; Irad chun Mehujael a nei a; Mehujael chun Methusael a nei a; Methusael chun Lamek a nei a.

INṬANNA 5:18

Chun, Jared chun kum za le sâwmruk le pahni a niin naupasal Enok a nei a;

INṬANNA 5:22

Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;

2 SAMUEL 18:18

Absalom chun a dam laiin lal ruoma chun lung intieng a lo intieng diem ta a, “Ka hming a dei nawna dingin, naupasal khawm ka nei si naw a,” a ta. Chu lung intieng hminga chun ama hming ân puttir a, tu chen hin Absalom hriet zingna ti a nih.

INPÂKNA HLABU 49:11

An lungril ngaituo dân chu, An inhai chu kumkhuoa um ding ang le, An umnahai chu suon po po chena um ding ang a nih. An ramhai chu anni hming ruok an inputtir hlak.

INPÂKNA HLABU 49:12

Nisienlakhawm, mihriem hi chawimawiin an um zing naw a. Sa bohmang hlakhai ang el hi an nih.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.