INṬANNA 39:9 - Pathien Lekhabu Inthieng (BSI)

⁹ hi ina hin keia nêka lien lem tukhawm an um naw a: a nuhmei i ni leiin nang bak naw chu ka ta dingin iengkhawm inro a nei bawk nawh: chuleiin, iengtin am hi suol lientak hi thawin Pathien chungah thil suksuol thei ka ti leh?” a ti a.

INṬANNA 39:9 ပူးပေါင်းရင်းမြစ်များ

INṬANNA 13:13

Chun, Sodom mihai chu Pathien mithmuin nasataka ṭha naw le suolin an um a.

INṬANNA 20:3

Nisienlakhawm, Pathien chu Abimelek kuomah zânah a mangah a hung a, a kuomah, “Ngai ta, i nuhmei ṭhuoi lei hin mi thi el i ni tah; mi nuhmei a ni si a,” a ta.

INṬANNA 20:6

Chun, Pathienin a manga chun, “Anih, hi hi lungril ṭhatak putin i thaw a nih ti ka hriet a; chuongchun, kei khawmin ka chunga i thil thaw suol ding chu ka khap che a nih; chuleiin a nih ama i them ka phal naw chu.

INṬANNA 20:9

Chuongchun, Abimelek chun Abraham a ko a, a kuomah, “Kan chunga i thil thaw hi iengtizie am a ni a? Ieng kawng âm i chungah thil kan suksuola kei le ka khuoletuihai chunga hin thil suol nasatak i hung intlungtir hi? Thil thaw âwm naw tak ka chungah i thaw ta hi,” a ti a.

INṬANNA 24:2

Chun, Abraham chun a siehlaw, a in sûnga upa tak, a nei po po chunga thuneitu kuoma chun, “Lunginsiettakin i kut kha ka elpui hnuoiah rawl rawh;

INṬANNA 39:10

Ni tinin Josef chu thlêm hlak sien khawm, ama zâlpui ding le ama kuoma um ding thu chu Josef chun a pawm nuom naw a.

INṬANNA 41:40

nang hi ka sûnghai chunga hotuah um i ta, ka khuoletui po po i thu thuin um a tih: lalṭhungphaa ṭhung thua chau hin nanga nêkin inlal ka tih,” a ta.

INṬANNA 42:18

A ni thum ni chun Josef chun an kuomah, “Hieng ang hin thaw unla hring in tih, Pathien ka ṭi si a:

2 SAMUEL 11:27

Chun, a sûn hunbi a bo hnung chun David chun ama in tieng ân ṭhuoitir a, a nuhmeiah a nei ta a, naupasal a neipêk a. Nisienlakhawm, David thilthaw chun Lalpa a suklungni naw a.

2 SAMUEL 12:13

Chun, David chun Nathan kuomah, “Lalpa chungah thil ka lo suksuol tah a nih,” a ta. Chun, Nathan chun David kuomah, “Lalpa khawma i suol chu a sie hmang ve ta a; thi naw ti nih.

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

NEHEMIA 6:11

Kei ruok chun, “Keia ang hi hang tlânse el ding khawm am ka nih? Mâni hringna humhim nuom chun tu am biekina chun lût an ta? Lût dêr naw ning,” ka ti a.

JOB LEKHABU (THE BOOK OF JOB) 31:23

Pathiena inthawka sietna chu ka ṭi lei le, A ropuina ṭina leiin chuong thilhai chu ka thaw thei naw a nih.

INPÂKNA HLABU 51:4

I chungah, i chung chauah thil ka suksuol a, I mithmuah thil suol ka lo thaw ta a: Thu i hrilin thiem în changtir thei a, Ro i rêlin demkailo i ni theina dingin.

FESUOKNA 20:14

I uire ding a ni nawh.

THUVARHAI 6:29

Mi a tuolbâwm nuhmei kuoma lût chu chuong ang bawk chu a na; Amanu va tâwk taphawt chu hrem naw ni naw nih.

THUVARHAI 6:32

Nuhmei le uiretna thil thawtu chu lungril bo a na, Ama lungril ngei sukse dingin thil a thaw a nih.

THUHRILTU 7:26

Chun, nuhmei a lungril chu chânghai le lênhai, a kuthai chu hnâng ang el neitu chu, thina nêka ṭha lem ka hmu suok a; tukhawm Pathien suklâwmtu chu amaa inthawk suok thleng an ta, amiruokchu, mi suol chu amanu chun man a tih.

JEREMIA 28:16

Chuleiin, Lalpa chun hieng hin a tih: Ngai ta, leihnuoi chunga inthawk hin ka tir hmang ding che a nih; Lalpa kala khêlthu i hril leiin, tu kum hin i thi ding a nih,” tiin.

JEREMIA 50:7

A hmu taphawthai hlak chun anni chu an fâkzo a, an hmêlmahai chun, ‘Thudik umna Lalpa, an thlatuhai beiseitak, Lalpa chunga chun thil an suksuol lei a nih, ei sukpawi nawh,’ an ti a.

LEVI DÂN 20:10

“Mîn a tuolbâwm nuhmei a uiretpui chun, uiretupa le uirenu chu sukhlum ngei ding an nih.

LEVI DÂN 6:2

“Tukhawma thil suksuolin, Lalpa thu bawse ta sienla; sum inkawltir thu amanih, hlêp thu amanih, inrûk thu amania tuolbâwmhai hlêmin, mâni tuolbâwmhai lo nêksâwr ta sienla,

NAMBAR 32:23

Amiruokchu, chuong anga in thaw naw chun, ngai ta u, Lalpa chunga suol nîng in ta, in suol chun hmu suok ngei ngei a ti cheu ti hre ro.

LUKA 12:48

Amiruokchu, hriet naw leia vuokna khawp thil thaw chu, vawi tlâwmtê vuong an tih. Tûkhawm tamtak an ipêk kuoma chun tamtak phût an tih; tûkhawm tamtak an inkawltir kuoma chun tam deu phût an tih.

1 KORINTH 4:2

Hitaka hin enkawltu chu mi ringum ni a ngai bawk a nih.

TITA 2:10

kutkem hmang lo ding le, ringumna indik le ṭha po po suklang lemna dinga, Pathien ei Sandamtu inchûktirna thu chu iengkima an chawimawi theina dingin infui rawh.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

1 JOHAN 3:9

Tûkhawm Pathien inei chun, Pathien chi amaa a um leiin suol a thaw zawm zing ngai nawh, Pathien inei a ni lein suol a thaw zawm zing thei bawk nawh.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.