INṬANNA 39:5 - Pathien Lekhabu Inthieng (BSI)

⁵ A inah hotuin a siem a, a nei po po chunga hotua a siem chena inthawk chu Josef leiin Lalpa chun Aigupta mi sûng khat chu mal a sâwm ta a; in tieng le ram tienga a nei po po chu Lalpain mal a sâwm a.

INṬANNA 39:5 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

INṬANNA 19:29

Chun, Pathienin phaizâwl khuohai chu a sukbohmang lai chun, Pathienin Abraham chu a hriet zing a, Lota umna khuohai a sukbohmang laiin Lota chu bohmangnaa inthawk a tir suok a.

INṬANNA 30:27

Laban chun a kuomah, “I mi lunginsiet thei chun la um phawt ta la, Lalpa chun nanga zârah mal a mi sâwm ti ṭhumvâwrin ka hriet i sawnnaw,” a ti a.

INPÂKNA HLABU 21:6

Kumkhuoa dingin malsâwmna nasatak dawngin i siem si a I hmaah hlimnain i suklâwm hlak.

INPÂKNA HLABU 72:17

A hming chu kumkhawtluongin dei naw ni a. A hming chu ama a um sûng chu dei lovin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

THILTHAWHAI 27:24

‘Paula, ṭi naw, Kaisar hmaah i ngîr ding a nih; chun, ngai rawh, lawnga i kuoma fehai po po khawm hi Pathienin a pêk che a nih,’ a mi ti a nih.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.