INṬANNA 39:3 - Pathien Lekhabu Inthieng (BSI)

³ A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

INṬANNA 39:3 ပူးပေါင်းရင်းမြစ်များ

INṬANNA 21:20

Chun, Pathien chu naupang kuoma chun a um hlak a, a hung inṭhang lien pei a; thlalêrah a um hlak a, thal kâp thiem mi a hung ni ta a.

INṬANNA 21:22

Chuong lai chun Abimelek le a sipai pâwl hotu Phikol chun Abraham kuomah, “I thilthaw taphawtah Pathien i kuomah a um pei hlak a:

INṬANNA 21:23

chuleiin, ka lo lunginsiet ta che ang khan kei le hi i khuolchâmna ram hi lunginsiet ve thunga, kei le ka naupa le ka naupa naupa khawm hlêm lo dingin Pathien hming sâlin tuhin ka kuomah inkhâm rawh,” a ti a.

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 26:28

Anni chun a kuomah, “Lalpa chu i kuomah a um ti chiengtakin kan hriet a: chuongchun, ei kârah, keini le nangma kâr ngeia hin inkhâmna um sienla, i kuomah thu mîn thlungtir la kan ti a nih:

INṬANNA 30:27

Laban chun a kuomah, “I mi lunginsiet thei chun la um phawt ta la, Lalpa chun nanga zârah mal a mi sâwm ti ṭhumvâwrin ka hriet i sawnnaw,” a ti a.

INṬANNA 30:30

Ka hung hma chun tlâwmte bak i nei a, tuhin chu tamtak an hung ni ta hi; ka nghatna tieng tieng Lalpa chun mal a sâwmpêk pei che a nih: amiruokchu, iengtik âm keia sûngkaw ta dingin suksuok vêng ka ti aw?” a ti a.

INṬANNA 39:2

Lalpa chu Josef kuomah a um a; chuongchun, ama chu mi hlawtlingtak a hung ni ta a, a pu Aigupta mi ina chun a um a.

INṬANNA 39:21

Nisienlakhawm, Lalpa chu Josef kuomah a um pei a, a chungah za a ngai a, intângna in vêngtu khawm ân lunginsiettir a.

INṬANNA 39:23

Lalpa chu Josef kuomah a um a, a thilthaw taphawt Lalpa chun ân hlawtlingtir hlak leiin intângna in vêngtu chun a kuta thil um hrim hrim chu ama ngaisak ṭûl a ti ta naw a.

2 LALHAI 18:7

Chuongchun, Lalpa chu a kuomah a um a; a suok invâkna taphawta chun a tluongtlung pei a; Assuria lal chunga chun a hel a, a rawng a bâwl ta naw a.

1 CHANCHIN SUINA 22:13

Israel chungthua Lalpain Mosie thu a pêk, rorêlna hai le dânhai chu thaw dinga i zâwm tlat chun hung hlawtling i tih; insukhrât la, insukhuoi la, beidawng naw la, ṭit khawm ṭi naw rawh.

1 CHANCHIN SUINA 9:20

Kha hma po khan Eleazar naupa Phinehas chu an chunga rorêltu a na, a kuoma chun Lalpa chu a um a.

2 CHANCHIN SUINA 1:1

Chun, David naupa Solomon chu a rama chun sukdet a ni ta a, Lalpa a Pathien chu a kuomah a um a, ama chu nasatakin a chawimawi a.

2 CHANCHIN SUINA 26:5

Pathiena thil hmulâwk hrietthiemna nei Zekaria dam sûng po chun Pathien chu zawng dingin ân siem a; Lalpa chu a zawng sûng po chu, Pathien chun ân hlawtlingtir bawk a.

NEHEMIA 2:20

Chun, anni chu ka dawn a, an kuomah, “Vân Pathien chun mi suktluongtlung a ta; chuongchun, keini a siehlawhai chu tho kan ta, inngîr kan tih; nangni ruok chun Jerusalema hin chanvo amanih, thuneina amanih, hnûhma amani khawm in nei naw hrim hrim a nih,” ka ti a.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

ZEKARIA 8:23

Sipaihai Lalpa chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet si a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

MATTHAI 5:16

Chuong ang bawkin in var chu mi mithmuah var raw se; chuongchun, in thilthaw ṭhathai hmûng an ta, in Pa vâna mi chawimawi thei an tih.

1 KORINTH 16:2

Ni saria ni hmasatak peia chun mi tinin, malsâwmna in hmu zie ang peiin siekhâwl seng unla, ka hung phaa thawlâwm dâwl hrim a um nawna dingin.

DÂN PAHNINA 2:7

Lalpa in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet si a; hieng kum sâwmli sûng po hin Lalpa chu in kuomah a um a, iengkhawm in tlasam naw kha, tiin thu pe rawh,’ tiin.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.

1 SAMUEL 18:14

Chun, David chu a thilthaw taphawtah feltakin a châng hlak a, Lalpa chu a kuomah a um a.

1 SAMUEL 18:28

Chun, Saula chun David kuoma chun Pathien a um a nih ti a hriet chieng ta a: chun, Saula naunu Mikal chun ama chu a hmangai a.

1 SAMUEL 3:19

Chun, Samuel chu a hung inṭhanglien deu deu a, a kuomah Lalpa a um pei a; a thu hrim hrim chu leihnuoiah ân luonghmangtir el naw a.