INṬANNA 39:21 - Pathien Lekhabu Inthieng (BSI)

²¹ Nisienlakhawm, Lalpa chu Josef kuomah a um pei a, a chungah za a ngai a, intângna in vêngtu khawm ân lunginsiettir a.

INṬANNA 39:21 ပူးပေါင်းရင်းမြစ်များ

INṬANNA 21:22

Chuong lai chun Abimelek le a sipai pâwl hotu Phikol chun Abraham kuomah, “I thilthaw taphawtah Pathien i kuomah a um pei hlak a:

INṬANNA 39:2

Lalpa chu Josef kuomah a um a; chuongchun, ama chu mi hlawtlingtak a hung ni ta a, a pu Aigupta mi ina chun a um a.

INṬANNA 39:3

A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

INṬANNA 39:4

Chuongchun, Josef chun a pu lunginsietna a hlaw a, ama rawngbâwltuah a um a; chun, ama chu a sûnghai chunga hotuah a siem a, a nei po po a kutah a sie ta vawng a.

INṬANNA 40:3

Chuongchun vêngtu pâwl hotu inah, intângna in, Josef khuopa a umnaa chun, ân tângtir ta a.

INPÂKNA HLABU 105:19

A thu a tlung hmakhat chun, Lalpa thu chun ama chu a fie hlak a.

INPÂKNA HLABU 105:22

A mi lienhai chu a nuom nuoma a khuop ding le, A upahai sukvar dingin.

INPÂKNA HLABU 106:46

Sala ṭhuoituhai po po chu, Anni a lunginsiettir a.

FESUOKNA 11:3

Lalpa chun Aiguptahai mithmuah Israel mihai chu ditsakna ân hmutir a, Mosie ngei khawm chu mipui mithmu le Pharao siehlawhai mithmuah Aigupta ram sûnga chun mi lientak a ni bawk a.

FESUOKNA 12:36

chuongchun, Lalpain Israel mihai chu Aigupta mihai mithmua chun ditsakna ân hmutir a, an hni taphawt chu an pêk pei el a. Chuong ang chun Aigupta mihai chu an suksiet ta a.

FESUOKNA 3:21

Chun, hi Israel mihai hi Aigupta mihai mithmuah ditsakna inhmutir ka ta; chuongchun, in fe pha chun, ruok ngawtin fe naw tawp in tih:

THUVARHAI 16:7

Mi a um dânin Lalpa a suklawm chun, A hmêlmahai ngei khawm ama le inrem dingin a siem.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

DANIEL 1:9

Chun, Pathien chun Daniel chu mitillâkhai hotu mithmua lunginsietna le ditsakna hlaw thei dingin a siem a.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm iengkhawm ka sukpawi nawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:37

Ṭhe lo e! chuong po poa chun, a mi hmangaitu lei chun ropuitaka hnetu ei nih.

1 PETER 3:17

Thil suol thaw leia tuor nêk chun, Pathien remti zâwng a ni chun thil ṭha thaw leia tuor hi a ṭha lem si a.