INṬANNA 38:14 - Pathien Lekhabu Inthieng (BSI)

¹⁴ Ama chun a pasal sûnna silfênhai chu a hlîp a, inkhumna puonin ân khum a, ân tuom tlat a, Timna lampuia Enaim kul kawtkhâra chun a lo ṭhung a: Selah chu a puitling ta si a, a pa chun a nuhmei dingin ân neitir naw zo a ni tah ti a hriet si a.

INṬANNA 38:14 ပူးပေါင်းရင်းမြစ်များ

INṬANNA 24:65

Abraham siehlaw kuoma chun, “Phûla a mi tuok dinga hung saw tu am a na?” a ti a. Siehlaw chun, “Ka pu a ni saw,” a ta: chuongchun, ân khumna puon a lâk a, ân khum ta a.

INṬANNA 38:15

Chun, Judain ama chu a hmuin nawchizawr amanih a sâwn a, a hmai chu ân khum tlat si a.

INṬANNA 38:19

Chun, a tho a, a inkhumna puon chu a hlîp a, a hmeithaina silfênhai chu ân bel nâwk ta a.

INṬANNA 38:26

Juda chun chuong thil chu ama ta a nih ti a hriet a, “Ama chu keia nêkin a fel lem a nih, ama chu ka naupa Selah chu kân neitir ta si naw a,” a ti a. Chun, Juda chun ama chu a pâwl nâwk ta dêr naw a.

THUVARHAI 7:10

Chun, ngai ta, chutaka chun nuhmei, Nawchizawr inthuoma inthuom, lungril inlêktak ân tuokpui a.

THUVARHAI 7:12

Kawtthlêra le khawlai dunghaia umin, Kil tina inchânin a nghâk zing a.

JEREMIA 3:2

Bâwlhmun tienghai khi i mithai khan hang thlîr la, en ta; an zâlpui nawna che khaw lai am a um a? Thlalêra Arabia mi ang elin, lampui sîra chun an ta dingin i ṭhung a; i rîtlona le i hurna chun ram chu i sukpawrche ta a nih.

EZEKIEL 16:25

Lam tluongpui tinahai chun i hmun insânghai chu i bâwl a, i mawina chu tirdakumnain în changtir a, mi a hung khêl taphawt che kuoma chun în hlîm a, i hurna chu i sukpung ta a.