INṬANNA 37:34 - Pathien Lekhabu Inthieng (BSI)

³⁴ Chun, Jakob chun a silfênhai a keithlêr a, saiip puon a dierkei a, ni sâwttak a naupa chu a sûn a.

INṬANNA 37:34 ပူးပေါင်းရင်းမြစ်များ

INṬANNA 37:29

Reuben chu khura chun a hung kîra Josef chu khurah a lo um ta nawh ti a hmu chun a silfênhai a keithlêr a,

INṬANNA 42:38

Ama chun, “Ka naupa hi nangni leh fe thla ve naw tawp a ti, a u a thi ta a, ama bak hi a ni ta si a: in fena lampuia dâm tuoksuol zu tuok sienla, ka lu inṭuok hi lungngaitakin thlânah in inliemtir ding a nih,” a ti a.

INṬANNA 44:13

Chu phingle chun an silfênhai chu an keithlêr a, mâni sabengtung chu an inphurtir nâwk seng a, khuoa chun an kîr nâwk ta a.

2 SAMUEL 1:11

Chuongchun, David chun ama silfênhai chu a chel a, a keithlêr ta a, chuong ang bawk chun a kuoma mi um po pohai chun an thaw ve a;

2 SAMUEL 3:31

Chun, David chun Joab le a kuoma mipui po pohai kuoma chun, “In puonhai chu keithlêr unla, saiip puon sil unla, Abner chu sûn ro,” a ta. Chun, lal David chun hlâng chu a zui a.

1 LALHAI 20:31

Chun, a rawihai chun a kuomah, “Ngai ta, Israel sûng kuohai laia lalhai hi mi lunginsietthei tak an nih ti thu kan hriet a, saiip puon bilin, ei lua hin hruia inkhitin Israel lal kuomah mi vân fetir raw khai; ama chun a hla nuom khiet rawi che mawh,” an ta.

1 LALHAI 21:27

Chun, Ahab chun chuong thu chu a hriet chun a puon a keithlêr a, saiip puon a sil a, bu a nghei a, saiip puon chungah a zâl a, ngûitakin ân lawn vêl a.

2 LALHAI 19:1

Chun, lal Hezekia chun chu chu a hriet chun a silfênhai a keithlêr a, saiip puon ân bel a, Lalpa ina chun a lût ta a.

2 LALHAI 2:12

Chun, Elisa chun a hmu a, “Pa, Pa! Israel sakawr tawlailîr le sakawr chung chuong mihai !” tiin a khêk a.

2 LALHAI 22:11

Chun, lal chun dân lekhabu thuhai chu a hang hriet chun a puonhai a keithlêr ta a.

1 CHANCHIN SUINA 21:16

Chun, David chu a hung dâk suok a, Lalpa vântirko hnuoi le vân kâra ngîr chu a hang hmu ta a; a kâwlhnâm phawi sain, Jerusalem tienga bân pharin a hmu a. Chun, David le upahai chu saiip puon an sil a, an hmaia hnuoi sikin an bawk tâwl ta a.

1 CHANCHIN SUINA 7:22

An pa Ephraim chun ni tam tak anni chu a sûn a, ama thlamuon dingin a unauhai an hung a.

NEHEMIA 9:1

Chuongchun, chu thla ni sâwmhni pali ni chun Israel thlahai chu bu ngheia, saiip puon sila an lua pilvut kai nungin an fe khâwm tâwl a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk ta a.

JOB LEKHABU (THE BOOK OF JOB) 16:15

Ka vun chunga dingin saiip puon ka ṭhui a, Ka ki chu pilvutah ka sukbal ta a.

JOB LEKHABU (THE BOOK OF JOB) 2:12

Chuongchun, râl hlataka inthawka an mithai an hei inlên chun, ama chu an hriet naw a, an khêk rak rak a, an ṭap tâwl ta a; an puonhai chu an keithlêr tâwl a, pilvut vânvawrin an luhai an inthêkhum a.

INPÂKNA HLABU 69:11

Ka silfêna saiip ka hmang leh, An ta dingin a se tienga hrilkhina ka hung ni pei a.

ISAI 32:11

Nuhmei um mei meihai, inthin ro; mi ngaisamhai, lunginzîngtakin um ro, inhlîp unla, saruokin insiem unla, in kâwngahai chun saiip puon bi ro.

ISAI 36:22

Chuongchun, lal sûnghai chunga hotua um Hilkia naupa Eliakim hai, lekhaziektu Sebna hai, chanchin ziektu Asaph naupa Joa hai chu silfên keithlêr inbelin Hezekia kuoma chun an hung tlung a, Rabsake thuhrilhai chu an hril ta a.

JEREMIA 36:24

Anni chu an ṭi naw a, an silfênhai khawm an keithlêr bawk naw a, hieng thuhai hretu lal le a siehlawhai hrim hrim khawm chun.

JEREMIA 48:37

“Lu tin chu a kâwk a, khâkhmul tin kildein a um a; kut po pohai chun thil chepnawi an chawi a; kâwnghai chunga chun saiip puonhai a um bawk a.

JOEL 2:13

in puon ni lovin, in lungril thlêr ro,” a tih. Lalpa in Pathien tieng chu ngha ro: ama chu lunginsiet theitak le lainatnaa sip, lunginuoi le zainêmnaa sip, hremnaa inthawka inlêt hlak a nih.

MATTHAI 11:21

“Korazin, i chung a rik! Bethsaida, i chung a rik! Nangnia thilmak thawa umhai kha, Tura le Sidona thaw ni sienla, saiip puon sila vut laia ṭhungin um tâng an tih.

MATTHAI 26:65

Chun, Thiempu Laltak chun a silfênhai a keithlêr a, “Pathien a hrilsiet tah; hretu dang iengdingin am ngai tâng ei ta? Ngai ta u, Pathien a hrilsietzie chu tuhin in hriet tah. Iengtin am in ngai a?” a ta.

THILTHAWHAI 14:14

Nisienlakhawm, tirko Barnaba le Paula chun, chu chu an hriet phingleh, an puon an keithlêr a, mipui lai chun an inchâwm lût a, an khêk a.

JOSUA 7:6

Josua chun a puonhai a keithlêr a, ama le Israel upahai chu Lalpa bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.

RORELTUHAI 11:35

Ama chu a hang hmu phingleh a puonhai a keithlêr a, “E khai, ka naunu, i mi suktlâwm ta hle el a; a mi suklungzînghai laia mi i ni ta hi! Lalpa tiengah ka bau ka lo ka ta si a, chu chu inphat nâwk thei ka ni ta nawh,” a ti a.