INṬANNA 37:29 - Pathien Lekhabu Inthieng (BSI)

²⁹ Reuben chu khura chun a hung kîra Josef chu khurah a lo um ta nawh ti a hmu chun a silfênhai a keithlêr a,

INṬANNA 37:29 ပူးပေါင်းရင်းမြစ်များ

INṬANNA 34:13

Jakob nauhai chun an farnu Dina a sukkhawhlopêk lei chun Sekem le a pa Hamor chu zaihlêmin an dawn a,

INṬANNA 37:34

Chun, Jakob chun a silfênhai a keithlêr a, saiip puon a dierkei a, ni sâwttak a naupa chu a sûn a.

INṬANNA 44:13

Chu phingle chun an silfênhai chu an keithlêr a, mâni sabengtung chu an inphurtir nâwk seng a, khuoa chun an kîr nâwk ta a.

2 SAMUEL 1:11

Chuongchun, David chun ama silfênhai chu a chel a, a keithlêr ta a, chuong ang bawk chun a kuoma mi um po pohai chun an thaw ve a;

2 SAMUEL 13:19

Chun, Tamar chun a lua chun vut a phul a, zakawfuol ze tum tuma ṭiel a hâk chu a keithlêr a, a lusîpah a kut a sui a, inringtaka ṭap malam peiin a fe ta a.

2 LALHAI 11:14

chun, a hang en a, ngai ta, lal chu dân angin ban hrûla hin a lo ngîr a, sipai hotuhai le tawtawrâwt mûttuhai chu lal kâwlah an ngîr a; chun, chu rama mi po po chu an hlim êm êm a, tawtawrâwt dâm an mût an mût a. Chuongchun, Athalia chun a puonhai a keithlêr a, “Phier rûkna! Phier rûkna a ni tah ie,” tiin a khêk a.

2 LALHAI 19:1

Chun, lal Hezekia chun chu chu a hriet chun a silfênhai a keithlêr a, saiip puon ân bel a, Lalpa ina chun a lût ta a.

2 LALHAI 5:7

Chun, Israel lal chun lekhathawn chu a tiem phingleh, a puonhai a keithlêr a, “Hi mipa hin mi ân phârna sukdam dinga ka kuoma a hung tir hi sukdam ding le sukhlum dingin Pathien am ka nih? amiruokchu, ngaituo ta u, ka ngên cheu hi, keia chunga insêlna a zawngzie hi en ta u,” a ta.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk ta a.

JEREMIA 36:24

Anni chu an ṭi naw a, an silfênhai khawm an keithlêr bawk naw a, hieng thuhai hretu lal le a siehlawhai hrim hrim khawm chun.

JOEL 2:13

in puon ni lovin, in lungril thlêr ro,” a tih. Lalpa in Pathien tieng chu ngha ro: ama chu lunginsiet theitak le lainatnaa sip, lunginuoi le zainêmnaa sip, hremnaa inthawka inlêt hlak a nih.

NAMBAR 14:6

Chun, Nun naupa Josua le Jephunne naupa Kaleb, ram enthlatuhai laia ṭhang vehai chun an puonhai an keithlêr a;

THILTHAWHAI 14:14

Nisienlakhawm, tirko Barnaba le Paula chun, chu chu an hriet phingleh, an puon an keithlêr a, mipui lai chun an inchâwm lût a, an khêk a.

RORELTUHAI 11:35

Ama chu a hang hmu phingleh a puonhai a keithlêr a, “E khai, ka naunu, i mi suktlâwm ta hle el a; a mi suklungzînghai laia mi i ni ta hi! Lalpa tiengah ka bau ka lo ka ta si a, chu chu inphat nâwk thei ka ni ta nawh,” a ti a.