INṬANNA 37:15 - Pathien Lekhabu Inthieng (BSI)

¹⁵ Chun, mi tuin amanih phûla ân vâk ân vâk lai chun a hmu a; chuongchun, mi chun, “Iengam i zawng leh?” tiin ân dawn a.

INṬANNA 37:15 ပူးပေါင်းရင်းမြစ်များ

INṬANNA 21:14

Chuongchun, Abraham chu zîngkâr inhmatakin a tho a, bei le tuiûm a lâk a, Hagar kuomah a pêk a, a liengkoah ân chuonpêk a, naupang le chun ân fetir ta a; chuongchun, a fe a, Beer-seba thlalêra chun ân vâk ân vâk ta a.

INṬANNA 37:14

A pa chun a kuomah, “I uhai an dam am, ran ruol khawm an dam am va en la, an chanchin mi hung hril nâwk raw aw,” a ti a. Chuongchun, Hebron ruoma inthawk chun a tir suok a; ama chun Sekem chu a va tlung ta a.

INṬANNA 37:16

Ama chun, “Ka uhai ka zawng a nih: lunginsiettakin ran ruol an inthlâna chu mi hril ta khai,” a ti a.

2 LALHAI 6:19

Chun, Elisa chun an kuomah, “Hi chu lampui a ni naw a, khuo khawm a ni bawk naw a; mi zui unla in mi zawngpa kuoma chun ṭhuoi ka ti cheu,” a ta. Chuongchun, Samari khuoa chun a ṭhuoi ta a.

JOHAN 1:38

Chun, Isu a ngha a, an hung zui chu a hmu a, an kuomah, “Ieng am in zawng a?” a ta. Anni chun, “Rabbi, (chu chu inchûktirtu tina a nih), khâwlai am i um a?” an ta.

JOHAN 18:4

Isûn a chunga thil tlung ding po po chu a hriet zing a, a va suok a, an kuomah, “Tu am in zawng a?” a ta.

JOHAN 18:7

Isu chun an kuomah, “Tu am in zawng a?” a ti nâwk a. Anni chun, “Nazareth Isu,” an ta.

JOHAN 20:15

Isûn a kuomah, “Nuhmei, iengdinga i ṭap am? Tû am i zawng a?” a ta. Ama chun huon enkawltu amanih a ti a, a kuomah, “Pu, ama hitaka inthawka i fepui a ni chun i siena chin mi hril rawh, chuongchun lâng ka tih,” a ta.

JOHAN 4:27

Chuong lai chun a închûktirhai chu an hung a, nuhmei a biek chu mak an ti hle a; nisienlakhawm, tukhawmin, “Ieng am i zawng? Iengdinga nuhmei i biek am?” khawm an ti nawh.

RORELTUHAI 4:22

Chun, Barakin Sisera a hung hnawt chun Jael chu ama lo tuokin a va suok a, a kuomah, “La hung ta khai, i mi zawng chu lo inentir ka ti che,” a ti a. Chu nu puon ina chun a va lût a, Sisera a bekah puon in kilna zum inbûr ngura thisaa zâl chu a hmu a.