INṬANNA 35:5 - Pathien Lekhabu Inthieng (BSI)

⁵ Chun, an fe a, an vêla khuohai chun an lo ṭi nasa hle a, Jakob naupasalhai chu an hnawt ngam naw a.

INṬANNA 35:5 ပူးပေါင်းရင်းမြစ်များ

INṬANNA 34:30

Chun, Jakobin Simeon le Levi kuoma chun, “Nangnîn hi rama um Kanaan mihai le Periz mihai laia hin, theida in mîn phurtirin in mi suklungzîng hle a nih; kei tlâwmte ka ni leiin mi thaw dingin hung inpun khâwm an ta, mi that el an tih; chuongchun, sukbohmangin um ka tih, kei le ka sûnghai le hin,” a ti a.

INṬANNA 35:4

Chuongchun, mi dang pathien an kuta um po po le, an naa nabe an ibe po po chu Jakob an pêk a, chun Jakob chun Sekem khaw kâwla thingsaisuo hnuoia chun a thuphmang ta a.

2 CHANCHIN SUINA 14:13

Asa le a kuoma mipui umhai chun anni chu Gerar chenin an hnawt a; Ethiopia mihai chu nasatakin an thi a, ṭhang an khaw thei ta naw a; Lalpa le a sipaihai hmaa chun sukbohmangin an um a; anni chun râllâk sum tamtak an lâk a.

2 CHANCHIN SUINA 14:14

Chun, Gerar vêla khuohai po po chu a thaw vawng a, Lalpa ṭitna chu an chunga chun a hung tlung tâwl si a, khawpuihai po po chu an suksiet a, chuonga hai chun râllâk thil tamtakhai chu a um si a.

2 CHANCHIN SUINA 17:10

Chun, Judai ram vêla ramhaia lalram po poahai chun Lalpa ṭina chu a um ta a; chuongchun, Jehosaphat chu an do ngam naw a.

INPÂKNA HLABU 105:14

Tu inêksâwr khawm a phal naw a, Anih, anni leiin lalhai khawm a kâwk a,

INPÂKNA HLABU 14:5

Chutaka chun ṭi bêk bêkin an um a, Pathien chu mi fel thlahai lai chun a um hlak leiin.

FESUOKNA 23:27

Ka ṭitumna chu i hmaah tir ka ta, mi an kuoma i hungna dinghai chu sukbohmang ka ta, i hmêlmahai chu hnung innghat ding chein siem ka tih.

FESUOKNA 34:24

Hnamhai chu i hmaah hnawt suok ka ta, i ramrihai chu ka suklien ding a ni si a; kum khat sunga ṭum thum, Lalpa i Pathien hmaa inlang dinga i fe laiin, i ram chu tukhawmin inhnarin lâk tum naw ni hai.

DÂN PAHNINA 11:25

Tukhawm in hmaah ngîr thei naw ni hai a; Lalpa in Pathienin in kuoma a hril ta ang khan in va sir ding ram po poa chun nangni ṭina le ṭiumna inumtir a tih.

DÂN PAHNINA 2:25

Vawisûn hin vânkhuphnuoia hnam tin chunga chun nangma ṭina le ṭitumna in um ṭantir ka ta, i chanchin lo hrieng an ta, inthin an ta, nangma leiin lungngaitakin um an tih,’ tiin.

JOSUA 5:1

Chun, Jordan vadung thlang tienga um Amorhai lalhai po po le, Mediterranean tuipui panga um Kanaan ram lal po pohai chun, an kai hmakhat chun Lalpain Jordan tuihai chu Israelai hmaa chun a sukkangpêk ti an lo hriet a, Israel mihai lei chun an lungril chu ân tui zo ta a, annia chun lungril mumal hrim hrim a um ta naw a.

1 SAMUEL 11:7

Chuongchun, bâwng tuok khat a that a, a sa chu a chan nawi vawng a, Israel ram po poa chun ân semtir a; “Tukhawm Saula le Samuel hung zui nuom naw taphawt chu an sebâwng chu hieng anga thaw ve hi nîng a tih,” tiin. Chuongchun, mipuihai chun Lalpa chu an ṭi ta a, an hung inthawk suok ta a.

1 SAMUEL 14:15

Chun, riekhmuna mihai, phûla mi dâm, mipuihai po po chu an inthin a; chun, râl vêngtu sipaihai le râlrûkhai khawm chu an inthin ve a, chun, simkhawleihnuoi ân hning a, nasataka inthinna a um a.