INṬANNA 35:2 - Pathien Lekhabu Inthieng (BSI)

² Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

INṬANNA 35:2 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 31:19

Laban chu a berâm hmul vaw dingin a fê dai a; chun, Rakil chun a pa milimhai chu ân rûkpêk a;

INṬANNA 31:30

Chun, i pa in ngai tain fe inhâwk êm êm la khawm, iengdinga ka pathienhai mîn rupêk am i ni a?” a ti a.

INṬANNA 31:34

Rakil chun milim chu a lâk a, sanghâwngsei thuomhnaw lai chun a lo sie a, a lo ṭhung de a. Laban chun a puon in sûng po po chu a dap vêl vawng a, nisienkhawm, a hmu naw a,

INṬANNA 34:2

Chun, Hiv mi Hamor, chu ram lal naupa Sekem chun ama chu a lo hmu a; a man a, a zâlpui a, ân tlâwm ta a.

INṬANNA 35:22

Israel chu chu rama a um lai chun, Reubenin a pa thaikêm Bilha chu a va zâlpui a; chun, Israel chun chu chu a hriet a. Tuhin Jakob naupasalhai chu sâwmpahni an ni tah.

2 SAMUEL 7:23

Aigupta rama inthawk le hnam tin le an pathienhaia inthawka i ta dinga în tlansuok, i mihai hmaa i ta dinga thil ropuitak le i ram ta dinga thil ṭiumtak thaw ding le ama hming ropuitak siem dinga Pathienin ama mihai ni dinga a hung intlansuok i mi Israelhai ang hrim hrim hi khawvêla hin hnam dang tu am an um a?

2 LALHAI 17:29

Nisienlakhawm, hnam tin chun mâni pathien seng an siem a, Samari mihaiin bâwlhmun an lo siemahai chun hnam tinin mâni umna khuo sengah an sie a,

2 LALHAI 5:10

Chun, Elisa chun tirtâwn a tir a, “Fe la, Jordan vadungah vawi sari insil la, chun, i taksa chu a pângngai hung nîng a ta, hung fai i tih,” a ta.

1 CHANCHIN SUINA 16:26

Mipuihai pathienhai chu milimhai an ni si a, Lalpa ruok chun vânhai khi a siem a nih.

JOB LEKHABU (THE BOOK OF JOB) 1:5

Chun, an ruoiṭhena nihai vêl chu a kim pha chun Job chun ân cha a, anni chu a hlânthieng hlak a; zîngkâr inhmatakin a tho a, an rênga anni nizât hming kimin pumrawhmang thilinhlânhai ân hlân a: Job chun, “Ka naupasalhai hin thil lo suksuolin, an lungrilhaiah Pathien hrilsie hlau rawi an tih,” a ti si a. Chuong ang chun Job chun a thaw rawp hlak a.

INPÂKNA HLABU 51:2

Ka rîtlonahai hi mi sâwpfaipêk var la, Ka suol hi mi sâwpfaipêk rawh.

INPÂKNA HLABU 51:7

Husopin mi sukfai la, chuongchun, fai ka tih; Mi sâwpfai la, chuongchun, vûr nêkin vâr ka tih.

FESUOKNA 19:10

Lalpa chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

FESUOKNA 19:14

Mosie chu tlânga inthawk chun mipui kuomah a fe thla a, mipui chu a sukthieng a, an silfênhai chu an sâwp ta a.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

THUHRILTU 5:1

Pathien ina i fe pha chun i ke vêng ṭha rawh, invêthai inthâwina inhlân nêk chun ngai dinga va hnai chu a ṭha lem si a; thil ṭha naw an thaw ti an hriet si naw a.

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; Lalpa bûr le bêl chawituhai, inthiengtakin um ro.

JEREMIA 13:27

Ramhnuoi muol chunghaia i châkna hurna, i în hrâmnahai, i uirenahai, i tirdakumnahai chu ka hmu a. Aw Jerusalem, i chung a va rik de! sukthieng i ni âwm si naw a, ieng chen am a la ni ding chu aw?

JEREMIA 16:20

Mihriem chun ama ta dingin pathienhai ni si lo, pathienhai chu ân siempêk ding am a nih?

JEREMIA 5:7

Iengtin am ngaidam thei ka ti che a? I thlahai chun an mi nghatsan ta a, pathien ni lohaia chun an inkhâm ta a; khawptaka ka châwm lai khawmin, an uire ta a, nawchizawr inahaia chun a pâwl pâwlin anni chu an inkhâwm tâwl a.

EZEKIEL 18:31

In bawsietnahai po po, in lo bawsiet tahai chu, nangnia inthawkin peihâwn unla, thlarau thar le lungril thar insiempêk unla, aw Israel sûngkuo, iengdingin am thîng in ta?

EZEKIEL 20:7

An kuoma khawm chun, a mithmua tirdakumnahai po po chu nangni mi tinin peithla unla, Aigupta ram milimhai chun insukpawrche naw unla; Lalpa in Pathien ka ni hi, tiin ka hril a.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

LEVI DÂN 15:5

Tukhawm a khum chu va tâwk taphawt chun an puonhai sâwp an ta, an insil ding a nih; chuongchun, zântieng chen chun inthiengnaw nîng an tih.

LEVI DÂN 17:16

Ân sâwp naw a, ân sil naw ruok chun, ama rîtlona maw chu phur a tih,’ ti rawh,” tiin.

NAMBAR 31:24

Chun, a ni sari ni chun in puon sâwp in ta, chun, hung inthien in ta, chu zoa chun riebûkah in hung lût ding a nih,” a ta.

THILTHAWHAI 19:26

Hitaka Ephesi chaua hin ni lovin Asia ram pumpui deu thawa khawm, hi Paula hin, ‘Kuta siem pathienhai hi Pathien an ni nawh,’ tiin mi tamtak thlêmthlûin a hîp hmang zo tah ti nangni ngeiin in hmuin in hriet bawk a.

1 KORINTH 10:7

Anni laia mi ṭhenkhat milim betu an ni ang khan milim betu ni naw ro, “mipui chu fa le dâwn dingin an ṭhung tâwl a, infiem dingin an tho nâwk a,” ti ziek ang khan.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

GALATI 4:8

Nisienlakhawm, khânga Pathien in hriet naw lai khan, an piengzie hrim khawma Pathien ni dêrlohai suok in na.

DÂN PAHNINA 11:28

Lalpa in Pathien thupêkhai chu in zâwm naw a, in hriet ngai lo pathien danghai be dinga tuta ka thupêk cheu hi in pêtsan chun ṭawngsephurin um in tih.

DÂN PAHNINA 32:16

Ram dang pathienhai bein a thîkthu an chawktho a, Thil tirdakumin a lungsenna an chawktho a.

DÂN PAHNINA 5:7

“Keima naw chu Pathien dang hrim hrim i nei ding a ni nawh.

DÂN PAHNINA 6:14

Pathien dang in vêla mihai pathien chu in biek ding a ni nawh.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

JOSUA 23:7

hieng hnam nangni laia la umhai le hin inchekpawl lovin an pathienhai hming khawm lam hlek lova, an hming sâla ṭawng khawm inkhâm lova an rawng khawm bâwl lova, kûna chibai inbûk nawna dingin,

JOSUA 24:14

Chuleiin, Lalpa chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, Lalpa rawng chu bâwl ro.

JOSUA 24:15

Chun, Lalpa rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu Lalpa rawng a nih kan bâwl ding chu,” a ta.

JOSUA 24:2

Chun, Josua chun mi po po kuoma chun, “Lalpa Israelhai Pathienin hieng ang hin a ti a nih, ‘In thlatuhai kha inhma laiin vadung khêla khan an um hlak a; Abraham pa le Nahor pa Tera meu khawm kha; anni chun pathien danghai rawng an bâwl hlak a.

JOSUA 24:20

Lalpa chu in mâksan a, hnam dang pathienhai rawng in bâwl chun chu, in chungah a ṭha sa hin in chungah thil ṭha nawin ṭuong vêng a ta, a sukbohmang el ding cheu a nih”, a ta.

JOSUA 24:23

Chun, ama ma chun, “Chuong chu a ni chun, tûn nangni laia hnam dang pathien umhai chu sie hmang dai unla, in lungrilhai chu Lalpa Israelhai Pathien tieng chun inthlêktir ro,” a ta.

JUDA 1:23

ṭhenkhat meia inthawkin la suok vak unla, sandam ro, ṭhenkhat, an tisa inthiengnaw kaina silfên chen khawm chu tirdakin, ṭit pumin lunginsiet ro.

RORELTUHAI 10:16

Chuongchun, anni laia hnam dang pathienhai chu an sie hmang vawng a, Lalpa rawng chu an bâwl ta a; chun, Israelhai lunginzîngna lei chun a lungril a lungngai ta bêk bêk el a.

RUTH 1:15

Chun, amanu chun, “En ta, i mo chanpuinu chu a chihai kuoma le a pathien kuoma chun a kîr nâwk ta a, nang khawm i mo chanpuinu zuiin kîr nâwk el raw aw,” a ti a.

1 SAMUEL 16:5

Ama chun, “Thu ṭhaa hung ni e, Lalpa kuoma inthâwi dinga hung ka nih; insukthieng unla, inthâwinaah hung ve ro,” a ta. Chun, Jesai le a naupasalhai chu a sukthieng a, inthâwinaa chun a ko ve a.

1 SAMUEL 7:3

Chun, Samuel chun Israel sûnghai po po kuoma chun, “In lungril takzeta Lalpa tieng hung ngha tak tak in ni chun, ram dang pathienhai le Astaroth dâm in laia chu sie hmang dai ta unla, in lungril chu Lalpa ta dingin buotsai unla, ama rawng chau chu bâwl ro; chuongchun, Philistin mihai kuta inthawk hi a sansuok ding cheu a nih,” a ta.