INṬANNA 33:14 - Pathien Lekhabu Inthieng (BSI)

¹⁴ Ka lalpa, lunginsiettakin i siehlaw hmaa hin fe la, kei chu Seir tlângah ka lalpa kuom ka tlung hmakhat chu, ka hmaa ran fe hi an fe thei tâwk ang peiin le, naupanghai fe thei tâwk ang peiin, damtein hung sawm lem ka tih,” a ti a.

INṬANNA 33:14 ပူးပေါင်းရင်းမြစ်များ

INṬANNA 32:3

Chun, Jakob chun Seir rama Edom phûl tienga a u Esau kuoma chun a hmaah palaihai ân tlântir a.

INṬANNA 32:4

“Ka lalpa Esau kuoma chun hieng ang hin in hril ding a nih, ‘I siehlaw Jakobin hieng ang hin a ti a nih: Laban kuoma chun mikhuol ka ni a, tu chen hin ka um ta zing a.

INṬANNA 33:13

Jakob chun a kuomah, “Naupanghai hi an la chîn a, berâm ruol le ran ruol ka kuoma umhai khawm hi te ṭhuoi an nih ti ka lalpain i hriet a; ni khat chau khawm khal hrât taluo inla, ran ruol po po hi thi vawng el an tih.

2 CHANCHIN SUINA 20:10

Tuhin, ngai ta, Ammon le Moab mihai le Seir tlâng Aigupta rama inthawka an hung suok laia nangin Israel mihai inrûntir lo le, insuksiettir lo a i în umtirhai khan,

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

EZEKIEL 25:8

“Lalpa Pathien chun hieng hin a tih: Moab le Seir chun, ‘Ngai ta u, Juda sûngkuo hi hnam dang po pohai ang bawk a nih,’ an ti leiin,

MARKA 4:33

Chuong ang tekhithu tamtakin, an ihriet thei tâwk tâwkin, thu chu an kuomah a hril hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:1

Chuongchun, eini mi hrâthai hin mâni lâwmna zawng lovin mi hrât nawhai hrât nawna ei tuorpui lem ding a nih.

1 KORINTH 3:2

Bu ni lovin, nênetuiin ka châwm cheu kha, bu in la fâk thei naw leiin; anih, tu khawm hin in la fâk thei naw rawp a nih, tisa mi in la ni rawp leiin.

DÂN PAHNINA 2:1

“Chun, ei insawn a, Lalpain ka kuoma a hril angin Tuipui Sen tieng Thlalêrah ei lût a; Seir tlâng chu sâwt rei ei vêl a.

RORELTUHAI 5:4

Lalpa, Seir rama inthawka i hung suok a, Edom phaia inthawka i hung suok khan, Hnuoi chu ân thin dur dur a, vânhai khawm a hung far a; Anih, sûmhai chun ruo an insûrtir a.