INṬANNA 32:7 - Pathien Lekhabu Inthieng (BSI)

⁷ Chuongchun, Jakob chu a ṭi êm êm a, a lunginzîng ta a; chun, a kuoma mi umhai dâm, berâm ruol le bâwng ruol dâm, sanghâwngseihai dâm chu pâwl hniin a siem a:

INṬANNA 32:7 ပူးပေါင်းရင်းမြစ်များ

INṬANNA 32:11

Lunginsiettakin ka u kuta inthawk, Esau kuta inthawk ngei chu mi sanhim rawh, nunau puma a mi hung that ka ṭi si a.

INṬANNA 32:3

Chun, Jakob chun Seir rama Edom phûl tienga a u Esau kuoma chun a hmaah palaihai ân tlântir a.

INṬANNA 32:8

Esau chu pâwl khatah a hunga a that khawmin pâwl khat la um chu tlân hmang thei an tih ti a ngaituo a.

INṬANNA 33:1

Chun, Jakob chu a hang dâk a, a thlîr a, Esau, a mi za lihai le hung chu a hmu a. Chuongchun, a nauhai chu Leah kuoma dâm, Rakil kuoma dâm, suoknuhai pahni kuoma dâm a sem diet diet a.

INṬANNA 35:3

tho ei ta, Bethelah fêng ei tiu: chuongchun, ka lunginzîng laia mi dawna, ka fenaa ka kuoma um pei Pathien ta ding khan maichâm siem ka tih,” a ta.

INPÂKNA HLABU 107:6

Chu phingleh an buoinaa chun Lalpa chu an ko ta a, Ama chun an lunginzîngnaa inthawk chun a sanhim a.

INPÂKNA HLABU 112:5

Mi lunginsieta inpûktir hlak mi chu ṭhatin a vur hlak a, Ama chu feltakin khawsâng a tih.

INPÂKNA HLABU 142:4

Ka changtieng hi thlêk la, en ta, tukhawm a mi hre hrim hrim an um ta naw hi; Kân humhimna a um ta naw a tukhawmin ka hringna hi an ngaisak ta nawh.

INPÂKNA HLABU 31:13

Mi tamtak mi hêkna ka hriet si a, Ka vêla ṭium um chu: An mi phier lai khan, Ka hringna mi lâkpêk an tum a.

INPÂKNA HLABU 61:2

Ka lungril a chau lai hin kâwlkila inthawk hin ko ka ti che; Lungpui keia nêka insânga chun mi ṭhuoi la.

FESUOKNA 14:10

Pharao chu a hung hnai chun Israel mihai chun an hang en a, an hnunga Aigupta mihai hung ṭhuop ṭhuop chu an hang hmu a, nasatakin an ṭi a, Israel mihai chun Lalpa chu an ko ta a.

THUVARHAI 2:11

Ngairuot thiemna chun nangma chu vêng a ti che a, Hrietthiemna chun kawl tlat a ti che;

ISAI 28:26

A Pathien chun ama chu feltakin a thununin ân chûktir hlak si a.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

2 KORINTH 1:4

Pathienin keini a mi thlamuonna ngeiin, rinum ieng anga umhai khawm chu kan thlamuon ve theina dingin, ama chun kan rinumna po poah a mi thlamuon hlak.

2 TIMOTHE 3:12

Anih, tûkhawm Krista Isua Pathien ngaisaka um tum taphawt chun suknawmnatnahai tuor bawk an tih.