INṬANNA 32:5 - Pathien Lekhabu Inthieng (BSI)

⁵ Bâwngchal dâm, sabengtung le berâm dâm, suoknu le suokpa dâm ka nei bawk a, i lunginsietna ka hmu theina dingin, ka lalpa hril dingin mi ka hung tir a nih,’ a tih,” tiin, thu a pêk a.

INṬANNA 32:5 ပူးပေါင်းရင်းမြစ်များ

INṬANNA 30:43

Chuongchun, Jakob chu nasatakin a hung pung a, ran ruol, ruol lientak dâm, suoknu le suokpa dâm, sanghâwngsei dâm, sabengtung dâm a hung nei ta a.

INṬANNA 31:16

Pathienin kan pa kuoma inthawka sum a lâkpêk po po chu keini le kan nauhai ta a ni hi; chuongchun, Pathienin i kuoma a hril taphawt chu thaw raw khai,” an ti a.

INṬANNA 31:3

Chun, Lalpa chun Jakob kuomah, “I thlatuhai le i laibunghai ramah fe nâwk ta rawh, i kuomah um pei ka tih,” a ti a.

INṬANNA 33:11

Pathienin a mi lunginsiet a, ka nei ṭeu leiin lunginsiettakin ka thil hung pêk che hi chu pawm rawh,” a ta. Chuong ang chun a thlêm a, ama chun a pawm ta a.

INṬANNA 33:15

Chun, Esau chun, “Ka kuoma um mi ṭhenkhathai bêk hi mâksanpêk ka ti che aw,” a ti a. Ama chun, “Iengding kherin am ie? ka lalpa, i lunginsietna mîn hmutir el rawh,” a ti a.

INṬANNA 33:8

Esau chun, “Ran ruol ka întuokpui zozaihai kha ieng i tina am a ni a?” a ti a. Jakob chun, “Ka lalpa, i lunginsietna ka hmu theina dingin ka ti a nih,” a ti a.

INṬANNA 47:25

Chun, anni chun, “Nangin kan hringna hi i sanhim ta a: pu, mi lunginsiet la, Pharao siehlaw ni el kan tih,” an ti a.

2 SAMUEL 16:4

Chun, lal chun Ziba kuoma chun, “Ngai ta, Mephiboseth thil nei po po chu i ta vawng a ni tah,” a ta. Chun, Ziba chun, “Chibai ka bûk takzet che a nih, aw lalpa ka pu, i mit tlunga um pei tum ka tih,” a ta.

JOB LEKHABU (THE BOOK OF JOB) 6:22

‘Ka kuomah mi pe unla,’ Annawleh, in thilneihaia hin thilpêk mi pe ro, ka ti cheu am a nih?

LUKA 12:45

Amiruokchu, chu suok chun, a lungrilin ‘Ka pu hung vak naw ni,’ tiin suoknuhai, suokpahai lo vaw sienla, fain dâwnin lo inrui ta sienla;

RUTH 2:2

Chun, Moab mi Ruth chun Naomi kuomah, “Lo tieng va fêng ka ta, a mi lo lunginsiet taphawt hai buhnung va zawng ka ti aw,” a ti a. Ama chun a kuomah, “Fe raw chu, ka naunu,” a ti a.

1 SAMUEL 1:18

Ama chun, “I siehlawnu hi i mittlung ni raw se,” a ta. Chuongchun, nuhmei chu a fe ta a, bu dâm a fâk a, lungngai hmêl a put ta naw a.