INṬANNA 32:4 - Pathien Lekhabu Inthieng (BSI)

⁴ “Ka lalpa Esau kuoma chun hieng ang hin in hril ding a nih, ‘I siehlaw Jakobin hieng ang hin a ti a nih: Laban kuoma chun mikhuol ka ni a, tu chen hin ka um ta zing a.

INṬANNA 32:4 ပူးပေါင်းရင်းမြစ်များ

INṬANNA 23:6

“Pu, lo ngai ta, nang chu keini lai hin lal ropuitak i ni a, kan thlânhaia hin i nuomna takah i mithi chu phûm el rawh, i mithi i phûmna dingin keini lai tukhawmin kan thlânhai pêk che inro naw ning ungah,” an ti a.

INṬANNA 25:30

Esau chun Jakob kuomah, “Lunginsiettakin i iengkhat sen suong hruoi kha, kha ngei kha mîn fâktir raw khai, ka ṭâm êm el,” a ta (chuleiin, a hming chu Edom an ti a nih).

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

INṬANNA 27:37

Isak chun a dawn a, Esau kuomah, “Ngai ta, ama chu i lalah ka siem a, a unauhai po po khawm a siehlaw dingin ka pêk vawng a; bu le uoinin ka châwm ta bawk a; ka naupa, nanga ta dingin iengam thawpêk ka ti che a?” a ti a.

INṬANNA 31:41

Chuong kum sâwmhni sûng po chu i kuomah ka um a, i naunuhmeihai pahni hlaw dingin kum sâwmpali le, i ranhai hlaw dingin kum ruk i rawng ka bâwl a; ka hlaw hlak chu vawi sâwm lai i sukdanglam si a.

INṬANNA 32:18

‘I siehlaw Jakob ta an nih, pu Esau, i ta dingin lâwmmana ân phur che a ni hi: ama khawm kan hnungah a um’ ti rawh,” tiin.

INṬANNA 32:5

Bâwngchal dâm, sabengtung le berâm dâm, suoknu le suokpa dâm ka nei bawk a, i lunginsietna ka hmu theina dingin, ka lalpa hril dingin mi ka hung tir a nih,’ a tih,” tiin, thu a pêk a.

INṬANNA 33:14

Ka lalpa, lunginsiettakin i siehlaw hmaa hin fe la, kei chu Seir tlângah ka lalpa kuom ka tlung hmakhat chu, ka hmaa ran fe hi an fe thei tâwk ang peiin le, naupanghai fe thei tâwk ang peiin, damtein hung sawm lem ka tih,” a ti a.

INṬANNA 33:8

Esau chun, “Ran ruol ka întuokpui zozaihai kha ieng i tina am a ni a?” a ti a. Jakob chun, “Ka lalpa, i lunginsietna ka hmu theina dingin ka ti a nih,” a ti a.

INṬANNA 36:8

Chuongchun, Esau chu Seir tlânga chun a um ta a; Esau chu Edom a nih.

INṬANNA 36:9

Hieng hi Seir tlânga Edom mihai thlatu Esau thlahai chu an nih.

INṬANNA 4:7

Thil thaw ṭha ni la chu pawm i ni naw ding am a nih? I thaw ṭha naw ruok chun suol chun kawtkhâr bulah ân chân zing che a nih; a dit zâwng chu nangma thuhne che a ni a, nisienlakhawm, nangin i thuhne lem ding a nih,” a ti a.

1 LALHAI 20:32

Chuongchun, saiip puon chu an bil a, an lua chun hruiin an inkhit a, Israel lal kuoma chun an va fe a, “I siehlaw Benhadad chun, ‘Lunginsiettakin mi hla raw se,’ a ti che,” an ta. Ama chun, “A la dam a ni maw? Ka naupa a ni annâwm,” a ta.

FESUOKNA 32:22

Aron chun, “Ka lalpa lunginsenna chu lum naw raw se: hi mipui hi thil suol âwnsa hrim an nih ti nangin i hriet annâwm.

THUVARHAI 15:1

Dawnna innêm chun lunginsenna a hnawt hmang a, Ṭawng theidaum ruok chun lunginsenna a chawktho.

THUVARHAI 25:15

Tuor sâwt peina chun rorêltu chu thlêmthlûk a na, Chun, lei innêm chun ru chu a sukthliek.

THUVARHAI 6:3

Tuhin hi hi thaw la, ka naupa, nangma le nangma chu insansuok rawh, I tuolbâwm kuta chun i lût a ni ta si a; Fe la, nang le nang chu insukhnuoi la, i tuolbâwm chu ngên rawh.

THUHRILTU 10:4

Rorêltu lungril chu i chungah a tho chun, I umna hmun chu mâksan naw la; Intuklûtna hin lungninawna nasatak chu a sukrê si a.

ISAI 21:11

Duma phurrik chu. Mîn Seir tlânga inthawkin an mi ko a, “Râlvêngtu, zân hi iengchen am a liem ta a? Râlvêngtu, zân hi iengchen am a liem ta a?” tiin.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

1 PETER 3:6

Sarain Abraham chu, “Lalpa,” tiin a thu a awi ang khan, thil ṭha thawin, ṭitna ding hrim nei lova in um chun, Sara nauhai nîng in tih.

RORELTUHAI 5:4

Lalpa, Seir rama inthawka i hung suok a, Edom phaia inthawka i hung suok khan, Hnuoi chu ân thin dur dur a, vânhai khawm a hung far a; Anih, sûmhai chun ruo an insûrtir a.

1 SAMUEL 26:17

Chun, Saula chun David râwl chu a hei hriet a, “Chu i râwl a ni maw ka naupa David,?” a hei ti a. David chun, “Aw lalpa, ka pu, ka râwl a ni chu,” a ta.