INṬANNA 32:31 - Pathien Lekhabu Inthieng (BSI)

³¹ Chun, a êlpui inpelsawl leia inbâi puma Peniel a suoksan lai tak chun nisa a hung suok a, ama chu a hung khaw a.

INṬANNA 32:31 ပူးပေါင်းရင်းမြစ်များ

INṬANNA 16:13

Chun, Hagarin ama betu Lalpa hming chu, “Nang hi hmu theitu Pathien i nih,” tiin ân bûk a. “Hitaka ngei hin a mi hmutu chu ka hmu takzet am a ni aw?” a ti a nih.

INṬANNA 19:15

Vârṭien a hung ni chun vântirkohai chun, “Tho la, i nuhmei le i naunuhmei pahni umhai hi ṭhuoi rawh, chuong naw chun, hi khaw hremnaa hin bohmang ve rawi in tih,” tiin Lota chu an tur ta a.

INṬANNA 19:23

Lotain Zoar a tlung chun hnuoi chunga chun nisa a hung suok ta a.

INṬANNA 32:25

A hne nawh ti ân hrietin a êlpui ru suktuona lai hi a khîk pêk a; chuongchun, a buon lai chun Jakob êlpui ru insuktuokna chu a hung inpelsawl ta a.

INṬANNA 32:32

Chuleiin, tu chen hin Israel mihai chun êlpui ru suktuoa ke tha um hi an fâk ngai nawh: Jakob êlpui ru suktuo chu a ke tha laitaka a khîk leiin.

1 LALHAI 12:25

Chuongchun, Jeroboam chun Ephraim tlâng rama chun Sekem khuo a siem a, chutaka chun a um a, chun, chutaka inthawk chun a suok a, Penuel khuo a siem a.

1 LALHAI 18:26

Chun, bâwngchal an puol chu an lâk a, an buotsai ta a, “Aw Baal, mi hung dawn raw khai,” tiin zîngkâra inthawka sûn chenin Baal hming chu an ko a. Nisienlakhawm, riva iengkhawm a um dêr naw a, a dawntu hrim hrim hlak an um bawk nawh. Chun, an maichâm siem vêla chun an inchâwm an inchâwm el a.

INPÂKNA HLABU 38:17

Kân bai vâng vâng si a, Ka lungngaina khawm ka hmaah a um rawp a nih.

FESUOKNA 24:10

chun, Israel Pathien chu an hmu a, a kehai hnuoia chun sapphir lung rem ang tletak, a tlêtzie chu vân thil ni âwm tak hrim hi a um a.

FESUOKNA 24:11

Israel mipui hotuhai chungah chun Pathienin a kut ân nghat naw a; Pathien chu an hmu ngei a, an fâkin an dâwn a.

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

2 KORINTH 12:7

Chun, inhriettirnahai chu a nasa bêk bêk leia kân ngaihlu taluo nawna dingin tisaah hling a mi pêk a nih. Setan tirko, kut inthak nûlnaa mi hmangtu ding chu; chuong naw chun, inngaihlu taluo rawi ka tih.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

DÂN PAHNINA 5:24

‘Ngai ta, Lalpa ei Pathien chun kan kuomah a ropuizie le a lienzie ân langtir a, meia inthawka a râwl chu kan hriet a; Pathienin mi a biek khawma thina a ni chuong nawzie chu vawisûn hin kan lo hriet ta a.

DÂN PAHNINA 5:26

Meia inthawka Pathien hring râwl kan hriet anga hre vea dam si, taksa puthai po po lai tu am an um a?

RORELTUHAI 6:22

Chuongchun, Gideon chun Lalpa vântirko a nih ti a hriet ta a; chun, Gideon chun, “E khai, aw Lalpa PATHIEN, Lalpa vântirko chu inhmatawn ngeiin ka hmu ta chu aw!” a ti a.

RORELTUHAI 6:23

Lalpa ruok chun a kuomah, “Thlamuongtakin um la, ṭi naw rawh, thi naw ti nih,” a ti a.

RORELTUHAI 8:8

Chutaka inthawk chun Penuelah a hang fe a, an kuomah chuong ang bawk chun a hril nâwk a, chun Penuel khuoa mihai chun Sukkoth khuoa mihai dawn dân bawkin an lo dawn ve a.