INṬANNA 32:24 - Pathien Lekhabu Inthieng (BSI)

²⁴ Chun, Jakob chu ama khât bakin a um ta a; chun, mi pakhatin ama chu khawfingchat chenin a buon a buon a.

INṬANNA 32:24 ပူးပေါင်းရင်းမြစ်များ

INṬANNA 18:2

A hang dâk a, a thlîr a, a kâwl ela mi pathum lo ngirhai chu a hmu a; a hmu phingleh puon in kawtkhâra inthawk anni chu tuok dingin a va tlân a, hnuoi sikin chibai a bûk a,

INṬANNA 30:8

Chun, Rakil chun, “Pathien inbuonin ka unaunu chu ka buon a, ka hne tah,” a ti a, chuongchun, a hmingah Naphtali a sak a.

INṬANNA 32:23

Chuongchun, anni chu a ṭhuoi a, vadung chu ân kaitir a, a nei po po khawm ân kaitir bawk a.

INṬANNA 32:25

A hne nawh ti ân hrietin a êlpui ru suktuona lai hi a khîk pêk a; chuongchun, a buon lai chun Jakob êlpui ru insuktuokna chu a hung inpelsawl ta a.

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i buon a, i hne ta si a,” a ti a.

INṬANNA 32:30

Chun, Jakobin chu hmun hminga chun Peniel ân bûk a, “Pathien chu a hmaihma ngeiah ka hmua chu ka hringna hi hla a ni si a,” tiin.

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

FESUOKNA 14:27

Mosie chun tuipui chunga chun a kut chu a phar a, zîngkâr a hung ni chun tuipui chu a luong hrât pângngaiin a luong nâwk ta a; Aigupta mihai chu an tlânsie a, Lalpa chun Aigupta mihai chu tuipuia chun a pei lût ta a.

HLAHAI HLA 2:17

Sûnni chu a hung dei a, hlimhai chu a fe hmang chenin, Ka hmangaitak, kîr la, sakhi amanih, Sazuk lâ amanih ang ni rawh, Bether tlâng chunga chun.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

DANIEL 10:8

Chuongchun, ka khât chaua mâksanin ka um a, hi thilhmulâwk ropuitak hi ka hmu ta a; chun, keimaa chun hrâtna hrim hrim a um ta naw a: ka hmêl mawina chu sietnaa ân chang ta leiin, hrâtna hrim ka nei ta naw a.

LUKA 13:24

Chun, ama chun an kuomah, “Kawtkhâr chîna chun lût tum hrâm ro; ka hril cheu hi, mi tamtakin lût tum an ta, lût thei si naw ni hai.

LUKA 22:44

Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a.]

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:30

Unauhai, tuhin, in mi ṭawngṭai pêknaa chun ṭhahnemngaitaka mi ṭawngṭai pêk dingin Lalpa Isu Krista le Thlarau Inthieng hmangainain ka ngên cheu a nih:

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

KOLOSSA 2:1

Nangni le Laodikeia umhai le, taksaa ka hmêl hmu naw phawthai ta dingin iengti raua nasain am ka thaw pêk ṭâl ṭâl zie cheu hi in hriet ka nuom si a.

KOLOSSA 4:12

Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng taphawta puitling le ring tlatna neia in ngîr theina dingin a ṭawngṭainahaia chun in ta dingin a thaw rawp a nih.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

JOSUA 5:13

Chun, Josua chu Jeriko khaw bula a la um lai chun a dâk a, a hang en a; a hma zâwn ela chun mi pakhat a kâwlhnâm phawisa chawia lo ngîr zing hi a hmu a. Josua chun a hang pan a, a kuoma chun, “Keini tienga ṭhang am i ni, kan hmêlmahai tieng?” a ta.